Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

2017 јыл: јонјӱрӱмдик керектер ле тоолор

29.12.2017


Warning: getimagesize(): Filename cannot be empty in /var/www/u1614088/data/www/altaicholmon.ru/wp-content/themes/altaicholmon/single/single-cat-10.php on line 16

Президенттиҥ грантына јылына эки катап ӧдӱп турган конкурсында быјылгы јарымјылдыкта Алтай Республикадаҥ 48 угузу аткарылган. Jеҥӱчилдердиҥ тоозына коммерческий эмес 11 организация кирген. Олор алты ууламјыла 16 923704 салковойдыҥ гранттарын ойноп алгандар.

***
Алтай Республиканыҥ школдорына 14 автобус берилген. 19 млн. 326 муҥ салковойдыҥ 10 автобусы федерал акча-манатка алылган. 5 млн. 300 муҥ салковойдыҥ тӧрт автобусы республикан бюджеттеҥ.
***
Горно-Алтайск кала 2018-2023 јылдарда «Калаларда јарамыкту айалга тӧзӧӧри» деп федерал программага кирген ле келер јылга 50 млн. салковой кирези акча-манат алган. Калада парктар, текши эл-јон јӱрер јерлер тӧзӧӧри јанынаҥ бастыразы 17 шӱӱлте-угузу болгон.
***
Оогош јурттардыҥ курч сурактарыныҥ аайына чыгары аайынча иштер кидим ӧткӧн. Ол тоодо ондор тоолу школдор, спортзалдар, эмчиликтер јаҥыртылган эмезе јаҥыдаҥ тудулган. Суулардыҥ, газтыҥ системаларын ӧткӱрер, јолдор јазаар ла кӱрлер салар иштер база улалган.
***
«Доступная среда» деп программа аайынча тергеениҥ 10 школында, 1 текши ӱредӱлӱ, 1 профильный ӱредӱлӱ ле ӱзеери ӱредӱниҥ 2 организацияларында су-кадыгыныҥ аргалары ас балдарга јарамыкту айалгалар тӧзӧлгӧн.
***
Кош-Агаш аймактыҥ јонјӱрӱмдик ишчилери баштапкы катап «Кӧчкӱн» деген пррограммала иштегендер. Оныҥ амадузы—малчы-койчылардыҥ садиктерге јӱрбей турган балдарын таскадары ла ӱредери. Быјыл јайгыда «Кӧчкӱн» ондый 160 билениҥ балдарыла иштеген.
***
Республиканыҥ 22970 балазы јай ӧйинде амыраган, ол тоодо јӱрӱмниҥ кӱч айалгазына кирген 13820 бала. Олор стационарный 236 лагерьде ле учреждениеде, тӱште јӱрер 175, профильный 8 лагерьде, палаткаларлу, амыраарыныҥ ла иштеериниҥ 35 лагеринде амырагандар.
***
Килемјиниҥ «Солоҥы» деп фонды быјыл Алтай Республикада экинчи катап иштеген. Фондтыҥ ишчилери тергеениҥ школдорында, балдардыҥ ӧскӧ дӧ учреждениелеринде туштажулар ӧткӱрип, сыйлар табыштырган.
***
Алтай Республикада аймактардыҥ ла каланыҥ волонтерлорыныҥ баштапкы тергеелик слет-јууны Горно-Алтайскта ӧткӧн. Бистиҥ тергееде бойыныҥ кӧрӱмјилӱ ижиле «Бала туштыҥ сурузы», «Болуштыҥ ӧмӧлиги», «Jакшы керектердиҥ агентствозы», «СТОПнаркотик», «ДобРАцентр» аҥыланган.
***
Алтай Республикада Баланыҥ тап-эриктери аайынча уполномоченный Надежда Манзыровага баштаткан бир канча ишчилер Турачак аймактыҥ оогош ло ыраак јурттарында школдордо, балдардыҥ садиктеринде болуп, ада-энелерле туштажып, јартамалдар эткен ле сыйлар табыштырган.
***
Иштиҥ, јонјӱрӱмдик ӧзӱмниҥ ле эл-јонды ишле јеткилдеериниҥ министерствоныҥ јӧмӧлтӧзиле су-кадыгыныҥ аргалары ас улустыҥ «Канаттарысты јайадыс!» деген јаҥжыккан парафестивали быјыл Шабалин аймакта ӧткӧн. Онойдо ок коляскада отурган улустыҥ бир канча аймактарла автомобильдӱ јол-јорыгы база јаҥжыгып ӧткӱрилген.

Н. Бельчекова

ТОП

Чӧрчӧккӧ кирген јерлер

Республикабыстыҥ улузыныҥ солундарла ӱлежип, куучын-эрмек ӧткӱрген чаттарыныҥ бирӱзинде јуукта тӧрӧл јеристиҥ аттары, нениҥ учун мынайда адалганы, кезик јерлердиҥ аттары ӧй ӧткӧниле канайда кубулып турганы керегинде солун куучын ӧткӧн. Јерлердиҥ аттарын чын бичиири, бу ишти кем ле канайда эдери јанынаҥ эрмек-куучын башталганы «Алтайдыҥ Чолмонында» база удай берген. Бу сурактарды кычыраачыларыс улайын кӧдӱрет. Бисле одоштой јаткан тергеелерде

Јеҥӱ бистиҥ болор!

Кӱчӱрген айдыҥ 24-чи кӱнинде Горно-Алтайскка јарлу боксер, WBA, IBF версиялар аайынча телекейдиҥ чемпионы Денис Лебедев келип јӱрген. Денис Албаты фронтыныҥ «Ончозы јеҥӱге» деген ӱлекериниҥ амбассадоры болот. Ӧткӧн јайда ол ДНР-дыҥ Албаты милициязыныҥ аҥылу ууламјылу 3-чи таҥынаҥ бригадазына гуманитар болуш јууп, бойы јетирген. Ол тушта подразделениеге бронежилеттер, каскалар, цифровой рациялар, квадрокоптерлер, тепловизорлор ло кийим-тудум јетирилген. Денис

Эл-јонло чике колбуда

Кӱчӱрген айдыҥ 24-чи кӱнинде Алтай Республиканыҥ башчызы Олег Хорохордин «Чике линия» ӧткӱрген. Ол ӱч саатка улалган. Бу ӧйгӧ 400 сурак келген, оныҥ 40 кирези чике эфирде угузулган. «Чике линия» «Эл Алтай» ГТРК-ныҥ эфиринде, Алтай Республиканыҥ башкарузыныҥ «ВКонтакте» ле «Одноклассники» јондык сетьтердеги бӱктеринде кӧргӱзилген. Оны телекӧрӱлтениҥ ӧткӱреечизи Иван Яськов ӧткӱрген. Тергееде јаткандарла мындый баштапкы куучын ӧткӧн