Черӱге ээчиде аткарылыш

22.06.2018

Быјыл јас-јай ӧйинде јииттерди черӱге аткарары бистиҥ тергееде кандык айдыҥ 1-кы кӱнинде башталып, јаан изӱ айдыҥ 15-чи кӱнине јетире ӧдӧр деп, республикан военкоматтыҥ јетирӱзинде айдылат. АР-дыҥ черӱчил комиссары, республикан призывной комиссияныҥ председателиниҥ ордынчызы Олег Денисенконыҥ мынаҥ озо јетирӱзиле, черӱге бистиҥ тергеедеҥ 300-теҥ кӧп јиит аткарылар. Олор черӱчил молјузын орооныстыҥ башка-башка талаларында, черӱниҥ башка-башка бӧлӱктеринде ӧдӧр.

Бистиҥ тергееде јашӧскӱрим ортодо черӱчил-тӧрӧлчи таскамал эрчимдӱ ӧдӱп турганыныҥ шылтузында черӱге барарга кӱӱнзеп турган јииттердиҥ тоозы јылдаҥ јылга кӧптӧйт деп, военкоматтыҥ ишчилери темдектейт. Черӱге Туулу Алтайдаҥ барган уулдар черӱчил молјузын ак-чек бӱдӱрип турганыла аҥыланат.

Кече 16 јерлежисти черӱге аткарары Горно-Алтайскта Jеҥӱниҥ паркында кӧдӱриҥилӱ айалгада ӧтти. Олор Кемеровский областьта Юргада турган черӱчил частька аткарылган.

Jииттерди ӱйдежеринде турушкандардыҥ тоозында республикан башкаруныҥ вице-премьери Роман Птицын, парламенттиҥ ӱредӱ, культура, спорт, јашӧскӱримниҥ политиказы, јондык биригӱлер ле СМИ аайынча комитединиҥ председатели Вячеслав Уханов, тергеениҥ прокуроры Николай Мылицын, Горно-Алтайсктыҥ мэри Юрий Нечаев, черӱчил-тӧрӧлчи клубтардыҥ турчылары ла ӧскӧ дӧ улус турушкан. Сӧс айткан улус черӱге атанып јаткандарга јымжак јол, јакшы служба кӱӱнзеген.

А. СУЛУКОВ

Е. БУТУШЕВТИª фотојуругы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым