«Беловодьеде» — экологиялык смена

10.08.2018

Куран айдыҥ 12-чи кӱнинде Кӧксуу-Оозы јуртта балдардыҥ су-кадыгын тыҥыдатан јонјӱрӱмдик учурлу «Беловодье» деп лагерьде «Заповедная Родина» деген экологиялык кыймыгуныҥ баштапкы сменазы иштеп баштаары темдектелет.

Мындый сменаны ӧткӱретен баштаҥкайды Кадындагы биосферный заповедник ле «Кӧксуу-Оозы аймак» муниципал тӧзӧлмӧниҥ ӱредӱ аайынча бӧлӱгиниҥ башкартузы эткен. Оны тӧзӧп ӧткӱреринде бу эки организациядаҥ башка ар-бӱткенниҥ телекейлик фондыныҥ Алтай-Сайандагы бӧлӱги туружат. Лагерьдиҥ ижинде Алтай Республиканыҥ ла Томский областьтыҥ алтанга шыдар балдары туружарга белетенет. Сменада Алтай-Сайанныҥ тергеелерине кирип турган балдардыҥ ӧскӧ дӧ экологиялык клубтарыныҥ ла биригӱлериниҥ турчылары эрчимдӱ туружар.

Лагерьде школдыҥ ӱренчиктерине билим шиҥжӱниҥ ле экологияныҥ сурактарына учурлалган мастер-класстар тӧзӧлӧр, јол-јорыктар ла башка-башка экскурсиялар ӧткӱрилер. Ачык эжиктердиҥ кӱндеринде Алтай Республиканыҥ јеринде иштеп турган ар-бӱткенди корулаар федерал ла тергеелик организациялардыҥ чыгартулу улузыла, Кӧксуу-Оозы аймактыҥ јурт ээлеминиҥ, Россия Федерацияныҥ ФСБ-ныҥ Алтай Республикадагы погран службазыныҥ башкартузыныҥ специалисттериле туштажулар ӧдӧр. «Заповедная Родина» деген кыймыгуныҥ бу сменазы куран айдыҥ 25-чи кӱнинде тӱгенер.

«Беловодье» деп лагерь Кӧксуу-Оозы аймакта ар-бӱткенниҥ «Катунская стрелка» деген аҥылу корулду јеринде туруп јат. Бу лагерьде јылдыҥ сайын су-кадыгын тӧрт јӱстеҥ ажыра бала орныктырып тыҥыдат.

Кадындагы биосферный заповедниктиҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина