Школдор белен бе?

21.08.2018

Бӱгӱн АР-дыҥ ӱредӱ ле билим аайынча министерствозыныҥ Алтай Республиканыҥ школдоры 2018-2019 ӱредӱлӱ јылдыҥ башталарына белетелгениниҥ аайы ла јылу туалеттерле јеткилделгени керегинде јетирӱзин јарлап турубыс.

Ӱредӱниҥ учреждениелерин шиҥдеп турган муниципал комиссиялардыҥ јетиргениле, 2018 јылдыҥ куран айыныҥ 16-чы кӱнине јетире јаҥы ӱредӱлӱ јылга республиканыҥ ӱредӱ организацияларыныҥ 95 проценти белен.
Олордыҥ тоозында текшиӱредӱниҥ организациялары ортодо бастыра 182 школдоҥ 168-зи ӱредӱлӱ јылга белен. Онызы бастыра школдордыҥ 92,3 проценти. 2018 јылдыҥ куран айыныҥ 16-чы кӱнине јетире белен эмес школдордыҥ тоозы — 14. Олор Кош-Агаш аймакта 13 школдыҥ ӱчӱзи, Улаган аймакта 11 школдыҥ бирӱзи, Кан-Оозы аймакта 22 школдыҥ алтызы, Оҥдой аймакта 22 школдыҥ ӱчӱзи ле Горно-Алтайскта коррекционный школ-интернат (мында ӧдӱп турган јазал иштер куран айдыҥ 25-чи кӱнинде тӱгенер).

Балдардыҥ бастыра 158 садыныҥ јаҥы ӱредӱлӱ јылга белени — 151. Онызы 96 процент. 2018 јылдыҥ куран айыныҥ 16-чы кӱнине јетире белен эмес болгондорыныҥ тоозы 7. Ол тоодо Кош- Агашта — 2, Улаганда — 3, Кӧксуу-Оозында — 1, калада — 1 (Горно-Алтайскта балдардыҥ 11-чи таҥмалу садында капремонт куран айдыҥ 20-чи кӱнине јетире ӧдӧр).
Балдардыҥ ӱзеери ӱредӱзи аайынча бастыра 28 организациядаҥ 27-зи јаҥы ӱредӱлӱ јылга белен. Онызы 96,4 процент. 2018 јылдыҥ куран айыныҥ 16-чы кӱнине јетире табыштырылбаганы «Оҥдой аймак» муниципал тӧзӧлмӧниҥ ӱзеери ӱредӱ аайынча организациязы.

Капитальный иштер ӧдӱп јатканы учун 2018 јылдыҥ сыгын айыныҥ 1-кы кӱнинеҥ ала ӱредӱни эки текшиӱредӱлик учреждение школдоҥ ӧскӧ тураларда ӧткӱрер. Ол тоодо «Апшыйактуда В. И. Чаптыновтыҥ адыла адалган ООШ» деп МБОУ-да (ӱредӱ баштамы школдыҥ ла јурт администрацияныҥ эски тураларында башталар, школдо јазамал иштер 2019 јылдыҥ сыгын айыныҥ 1-кы кӱнине јетире ӧдӧр) ла «Кайтанактагы ООШ» деп МБОУ-да (ӱредӱ культураныҥ јурт туразында башталар, мындагы школдо јазамал иштер 2018 јылдыҥ кӱчӱрген айыныҥ 1-кы кӱнине јетире ӧдӧр).

Россия Федерацияныҥ башкарузыныҥ председатели Д. А. Медведевтиҥ 2018 јылдыҥ јаан изӱ айыныҥ он ӱчинчи кӱнинде кол салган ДМ-П8-4246 таҥмалу јакылтазы аайынча текшиӱредӱлик организациялардыҥ бастыра тураларын санитар некелтелерге келиштире (ол тоодо јылу туалеттерле јеткилдеери) јаҥы ӱредӱлӱ јылдыҥ башталарына јетире јазап салар керек.

Анайдарда, бисте 32 школдыҥ санитар-гигиен айалгазын јарандырар керек болгон.
2018 јылдыҥ куран айыныҥ 16-чы кӱнине јетире олордыҥ тоозынаҥ 9 школдо јылу туалеттер тудулган, эмди база 23 школдо јылу туалеттер тудулып јат. 15 школдо мындый туалеттер сыгын айдыҥ 20-чи кӱнине јетире тудулып калар. Ол тоодо Оҥдой аймакта 5 школ, Кан-Оозында — 3, Улаганда — 2, Шабалинде — 4, Чой аймакта 1 школ.

АР-дыҥ ӱредӱ ле билим аайынча министерствозы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина