«Единая Россия»: «Jаҥырту-2018»

23.11.2018

Алтай Республикада кӱчӱрген айдыҥ 16-чы кӱнинде «Јаҥырту-2018» деп адалган тергеелик кеминде шӱӱжӱ-куучын ӧткӧн. Ол «Единая Россияныҥ» XVIII съездиниҥ алдында ӧткӱрилген.

Оныҥ баштапкы заочный бӧлӱгинде партияныҥ турчыларынаҥ ла оны јӧмӧӧчилердеҥ бир канча сурактар аайынча шӱӱлтелер јуулган. Ол тоодо баштамы бӧлӱктердиҥ эрчимин бийиктедери, депутаттардыҥ ӱнбереечилердиҥ јакылталарын бӱдӱрери аайынча ижиниҥ чыҥдыйын јарандырары, граждандарла, коммерциялык эмес организацияларла колбу-коммуникацияныҥ тузазын бийиктедери, анайда ок «Единая Россияныҥ» идеологиязын белетеери јанынаҥ сурактар аайынча шӱӱлтелер. Ол шӱӱлтелер кӱчӱрген айдыҥ 16-чы кӱнинде ӧткӧн шӱӱжӱ-куучынныҥ бир канча тематикалык площадкаларында шӱӱжилип кӧрӱлген.

«Единая Россияныҥ» тергеелик бӧлӱгиниҥ качызы, АР-дыҥ Эл Курултайыныҥ председатели Владимир Тюлентинниҥ темдектегениле, ӧткӧн шӱӱжӱ-куучын партийный коммуникацияныҥ, талдаштар ӧйинде технологический эп-сӱмелерди элбеде тузаланарыныҥ сурактарын элбеде шӱӱжип кӧрӧр арга берген. «Дискуссионный площадкалар партия эмдиги ӧйдиҥ некелтелерине келижип турарын јеткилдеериниҥ ле оныҥ туза-јандырузыныҥ кемин бийиктедериниҥ јаҥы эп-аргаларын бедиреерине ууландырылган болгон. Келген шӱӱлтелердиҥ тоозында — граждандардыҥ јакылталарын бӱдӱрерине шиҥжӱни тыҥыдары, ӱлекер иш кеминде јонјӱрӱмдик инфраструктураны јарандырары, јиит специалисттерди јӧмӧӧри, ичпартийный ишти тыҥыдары» — деп, ол темдектеген.

Партияныҥ тергеелик бӧлӱгиниҥ качызыныҥ ӱлекерлер јанынаҥ иш аайынча ордынчызы, Алтай Республиканыҥ депутады Константин Криворученконыҥ айтканыла, ол ӧткӱрген дискуссионный площадкада партияныҥ ижиниҥ модернизациязы аайынча јаҥы эп-аргалар шӱӱжилип кӧрӱлген. «Баштамы ла јербойындагы бӧлӱктердиҥ ижиниҥ чыҥдыйы кӧп саба учуралдарда партия бӱдӱреечи јаҥла канай ӧмӧ-јӧмӧ иштеп турганынаҥ, ӧмӧ-јӧмӧ ӱлекерлерди бӱдӱрери кеминде јондык шӱӱжӱлер ле координация ӧткӱргенинеҥ камаанду болот. Бис баштамы бӧлӱктерге методикалык болуш эдери, партийный ӱлекерлерде туружары јанынаҥ консультациялар ӧткӱрери аайынча шӱӱлтелер белетегенис. Анайда ок ичпартийный агитационный ишти тыҥыдары јанынаҥ сурактар база шӱӱжилип кӧрӱлген» — деп, Криворученко куучындаган.

Талдаштар ӧйинде технологический эп-аргаларды тузаланарына учурлалган дискуссионный площадкада озолондыра ӱнберишле колбулу керек-јарактардыҥ аайын јарандырары аайынча шӱӱлтелер јанынаҥ куучын-эрмек ӧткӧн. «Единая Россияныҥ» јербойындагы ла баштамы организацияларыныҥ башкараачыларыла шӱӱжӱ ӧдӱп турарда, партияныҥ келер талдаштар алдындагы стратегиязын тӧзӧӧри јанынаҥ шӱӱлтелер эдилген»— деп, тергеелик бӧлӱктиҥ исполкомыныҥ башкараачызы Эмиль Тюхтенев темдектеген.

«Единая Россия» партияныҥ председатели Дмитрий Медведевтиҥ тергеедеги јондык приемныйыныҥ башкараачызы, Эл Курултайдыҥ јонјӱрӱмдик корулаш ла эл-јонныҥ су-кадыгын корыыры аайынча комитединиҥ председатели Наталья Никитенко граждандарла колбу тударыныҥ туза-јандырузын бийиктедери, коммерциялык эмес организацияларла ӧмӧ-јӧмӧ иштеери јанынаҥ шӱӱжӱ-куучын ӧткӱрген. «Бис медийный телекей јанынаҥ иштеериниҥ сурактарын кӧргӧнис — партияныҥ ижин соцсетьтер, элбек јетирӱлер эдер эп-аргалар ажыра кӧргӱзерин. Шӱӱжӱниҥ туружаачылары социологический шиҥжӱ-опростор, кӧп тоолу улус туружарын јеткилдеп, ачык форумдар ла шӱӱжӱлер тӧзӧӧриниҥ јаан учурын темдектеген. Тематический площадкалар ӧткӱрери, партияныҥ турчыларыныҥ эрчиминиҥ рейтингин кӧргӱзип турган электронный таҥынаҥ кабинеттерин тӧзӧӧри јанынаҥ база шӱӱлтелер эдилген» — деп, ол куучындаган.

Тематический площадканыҥ ижи ӧйинде партияныҥ јӧмӧӧчилериниҥ «Граждан баштаҥкайларды јӧмӧӧриниҥ тӧс јери» деген ӱлекериниҥ таныштырузы болгон. Оныҥ тергее кеминде координаторы Горно-Алтайск каланыҥ депутаттарыныҥ Совединиҥ «Единая Россиядаҥ» депутады Экене Пекпеев. Оныҥ айтканыла, јаҥы ӱлекерлерди табар ла јӧмӧӧр, јашӧскӱримге бойыныҥ амадаганын президенттиҥ гранттарыныҥ конкурстарында турушканы ажыра бӱдӱрерине болужар керек. «Бистиҥ тергееге јашӧскӱримге, тӧрӧлчи кӱӱн-санаага таскадарына ла экологияла колбулу иш-керектерге, анайда ок ичбойындагы ла јурт туризмди ӧскӱрерине ууландырылган ӱлекерлер керек. Јайалталу јашӧскӱримди табарына ла олорло ӧмӧ-јӧмӧ иштеерине јаан ајару эдилер учурлу» — деп, Э. Пекпеев темдектеген.

«Јиит Гвардияныҥ» башкараачызы Роман Гордеевтиҥ айтканыла, «Единая Россияныҥ» јашӧскӱрим кыймыгузыныҥ ӧзӱмине учурлалган ӱзеери площадкада «Јиит Гвардияныҥ» јербойындагы бӧлӱктери ортодо конкурстар тӧзӧӧри, шеф-таскадыштыҥ ла кадрлар белетеериниҥ системазыныҥ институдын ӧскӱрери јанынаҥ шӱӱлтелер эдилген.

Јуулган шӱӱлтелерди тергеелик бӧлӱк чуктайла, шиҥдей кӧрӧлӧ, партияныҥ ЦИК-ине ле съездине аткарган. Тергеелердеҥ келген шӱӱлтелердиҥ ле эҥ артык ченемел иштердиҥ тооломы «Единая Россияныҥ» јаҥар айда ӧдӧтӧн XVIII съездиниҥ ижиниҥ баштапкы кӱнинде кӧрӱлер.

«Единая Россияныҥ» Алтай Республикадагы тергеелик бӧлӱгиниҥ исполкомы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина