Башчы Узбекистанныҥ Генконсулыла тушташкан

01.02.2019

Алтай Республиканыҥ башчызы Александр Бердников Узбекистан Республиканыҥ Новосибирсктеги Генеральный консулы Юсуп Кабулжановло ишмекчи туштажу ӧткӱрген.

Туштажуда АР-дыҥ башкарузыныҥ председателиниҥ ордынчылары, тергеениҥ министерстволорыныҥ ла ведомстволорыныҥ башкараачылары турушкан. Туштажу ӧйинде экијандай колбуларды тыҥыдары ла ӧмӧ-јӧмӧ иштиҥ болгодый ууламјылары јанынаҥ сурактар шӱӱжилген.

Александр Бердниковтыҥ темдектегениле, тургуза ӧйдӧ Узбекистанныҥ беш муҥнаҥ кӧп граждандары бистиҥ тергееде јадып јат. Олордыҥ кӧбизи садуныҥ бӧлӱгинде ле строительстводо иштейт. Башчыныҥ айтканыла, бистиҥ республика иш-тоштыҥ башка-башка бӧлӱктери јанынаҥ тергеелер ле албатылар ортодо колбуларга ачык тергее болуп јат.

«Бӱгӱн Узбекистан Республикала ӧмӧ-јӧмӧ иштеерине керектӱ бастыра тӧзӧлгӧлӧр бар. Мындый иш јаҥыс ла саду-экономикалык бӧлӱкте эмес, је анайда ок культураныҥ да бӧлӱгинде јарамыкту болор аргалу» — деп, республиканыҥ башкараачызы айткан. Оныҥ темдектегениле, бу ууламјыда иш башталып калган. Узбекистанныҥ Кашкадарьинский облазыныҥ јерине укту уй-мал аткарары јанынаҥ «Кайрал» ООО (Алтай Республика) ло «Наслчилик» ООО (Узбекистан Республика) ортодо јӧптӧжӱ тургузылган. Ӱч јылдыҥ туркунына Узбекистандӧӧн горноалтайский укту ӱч муҥ эчки аткарары темдектелген.

Юсуп Кабулжанов Александр Бердниковко консульский экзекватураныҥ копиязын ла консулдыҥ чыдуларын керелеп турган патент-документтер табыштырган. Ол бистиҥ тергеениҥ башчызына туштажу ӧдӧрин тӧзӧгӧни учун быйанын јетирип, мынаҥ ары ӧйдӧ јуук иш-колбулар болорына иженгенин айткан.

«Бисте кӧп не-немелер тӱҥдеш, тузалангадый аргалар јаан. Узбекистанныҥ башкарузы Алтай Республикала ӧмӧ-јӧмӧ иштеери кандый тергееге эптӱ болорын лаптап шиҥдеп кӧрӧр» — деп, Ю. Кабулжанов куучындаган.

Туштажуныҥ уч-турулталарыла ӧмӧ-јӧмӧ иштеери керегинде јӧптӧжӱниҥ ӱлекери белетелер, ого кол салары быјыл ӧдӧри темдектелди.

Узбекистанныҥ делегациязы анайда ок Горно-Алтайсктагы госуниверситетте болордо, билим-технический бӧлӱкте ӧмӧ-јӧмӧ иштеериниҥ сурактары кӧрӱлген. Ол тоодо лингвистика, археология, агротехнология јанынаҥ сурактар. Тургуза ӧйдӧ бу университетте Узбекистаннаҥ 4 студент ӱренет.

Јурт ээлем аайынча министерстводо ӧткӧн туштажуда укту мал ӧскӱрер ээлемди ӧскӱрери, маала ажын тартып экелери, ӧзӱмдер ӧскӱрери ле ӧскӧ дӧ ууламјылар јанынаҥ сурактар шӱӱжилип кӧрӱлген.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина