Ајаруда — тоштыҥ ӧргӧӧзин тудары

05.03.2019

АР-дыҥ башчызы Александр Бердников Маймада тудулып јаткан бу объектте ишмекчи јуун ӧткӱрген.

Республиканыҥ башкараачызыныҥ айтканыла, спорттыҥ ла су-кадыкты орныктырарыныҥ «Атлант» деген бу комплекси РФ-тыҥ Президенти В. Путинниҥ чике јакылтазы аайынча тудулып јаткан. Оны учына јетире тударына былтыр тергееге ӱзеери арбынду акча-манат чыгарары керегинде јакылта эдилген болгон. Эки јылдыҥ туркунына тоштыҥ ӧргӧӧзиниҥ тудум иштерине федерал бюджеттеҥ 381 миллион салковой акча чыгарылган.

Бу объект тудулган соҥында мында Майманыҥ ла Горно-Алтайсктыҥ улузына иштеер 70 јер тӧзӧлӧр. Мында эмдиги ӧйдиҥ јазалдары тургузылар, кӧп электроника болор, олорды иштедерине аҥылу билгирлерлӱ специалисттер керектӱзин башчы темдектеген.

Александр Бердников строительдерге тудум иштердиҥ чыҥдыйы бийик болор, объект јеткер болдыртпазыныҥ бастыра керектӱ не-немелериле толо кеминде јеткилделер учурлузына аҥылу ајару эткен. Анайда ок строительный иштер бир де чӧйилбес учурлузын аҥылаган, объект озолондыра темдектелген ӧйдӧ тузаланарына табыштырылар учурлу деген. Тургуза ӧйдӧ мында тоштыҥ јалаҥын, трибуналарды ла ӧскӧзин де тудары јанынаҥ иштер ӧдӧт. Ӧргӧӧ тудулган соҥында мында јаҥыс ла конекло јыҥылаары, хоккей ойнооры эмес, је анайда спорттыҥ башка-башка бӱдӱмдери аайынча тазыктырулар, маргаандар ӧткӱрер аргалар болор.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина