Александр Бердниковтыҥ Алтай Республиканыҥ албаты-јонына баштанузы

22.03.2019

Тоомјылу јерлештер, кӱндӱлӱ најылар!

Алтай Республиканыҥ башчызыныҥ јамызында чыдуларымныҥ ӧйи тӱгенгениле, ӧскӧ ишке барып јатканымла колбой, мен Россия Федерацияныҥ Президенти Владимир Владимирович Путинге бу јамыдаҥ бойымныҥ кӱӱнимле ӧйинеҥ озо отставкага барарга турганым керегинде угузу бичик табыштыргам. Отставка бойымныҥ кӱӱнимле эдилип јатканын аҥылап айдып турум.

Озо ло баштап бистиҥ ороонныҥ Президентине албаты-јоны јакшы мындый јаркынду ла јараш тергеени узак ӧйдиҥ туркунына башкарар арга берилгени учун быйанымды јетиредим.

Је кандый ла немениҥ аайлу-башту учы-тӱби бар. Кандый ла тергеени 13 јыл башкарары — онызы кӧп ӧй. Иш уур-кӱч ле каруулу, ого кӧп ийде-кӱчти салар керек.

Бис кӧпти эдип салганыс, је узак ӧйдиҥ туркунына јуулып калган ла аайы-бажына чыкпаган курч сурактардыҥ јӱги база јаан. Олорды аайлаштырарына јаҥы ийде-кӱчтер, јаҥы эрчим, эмдиги ӧйдиҥ јаҥы эп-сӱмелери, республиканыҥ јаҥы башкараачызы керек.

Ороонныҥ Президенти ле слер, кӱндӱлӱ ӱнбереечилер, тергеениҥ јаҥы башкараачызы кем болорын чокымдап алыгар.

Бойымныҥ командамныҥ турчыларына чокым тӧзӧлгӧлӱ ле кӧп саба учуралдарда јаан туза-јандырулу иш учун быйанымды айдып турум. Чын, јастыралар да болгон, је бис јаантайын ичкери барганыс.

Алдындагы ла чылап, бойымныҥ кичӱ Тӧрӧлимниҥ јилбӱлерине ӧскӧ дӧ иште мынаҥ да ары иштеерине мен белен.

Акту јӱрегимнеҥ тоогонымла, А. В. БЕРДНИКОВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина