О. Хорохордин тергеелик МЧС-тыҥ чемпионадын ачкан

02.04.2019

Алтай Республиканыҥ башчызыныҥ молјуларын удурумга бӱдӱреечи Олег Хорохордин Россияныҥ МЧС-ыныҥ Алтай Республика аайынча баш башкартузыныҥ функциональный ӧрт-аргадаачы многоборье (кроссфит) јанынаҥ чемпионадыныҥ ачылтазында турушкан.

Чемпионатка јуулган улусты уткып тура, Олег Хорохординниҥ темдектегениле, Россияныҥ президенти Владимир Путин граждандарла јеткер-тӱбек болбозын јетикилдеери тӧс ууламјылардыҥ бирӱзи болот ло бу ишти бӱдӱреринде МЧС-тыҥ учуры јаан деп айтканын эзеткен.
«Алтай Республикада кандый да јеткер-неме болгодый кӧп айалгалар бар. Мында агаштарлу јерлер кӧп, оныҥ да учун агаш-таш ортозында ӧрт болгодый чочыду бар болгонын темдектеер керек. Сейсмический айалга да уур-кӱч, кырлардагы суулар кӧпчип, јараттарынаҥ да ажат. Бийик тууларда јастырыш эдерге јарабас. Айыл-јурттарда да ӧрт-тӱбек ле ӧскӧ дӧ јеткер-неме болот. Андый учуралдарда албаты-јонго ӧрт ӧчӱреечилердиҥ ле аргадаачылардыҥ јанынаҥ болуш керек болуп јат» — деп, ол айткан.
Оныҥ аҥылаганыла, ӧрт ӧчӱреечилер улуска болужарга тӱрген келерге, тӱни-тӱжи дежурстводо болот. «Јӱрӱмдик ченемелдеҥ кӧрзӧ, слер јербойындагы текши айалганы шиҥжӱде тудуп јадыгар ла керектӱ ишти чыҥдый бӱдӱредигер» — деп, Олег Хорохордин темдектеген. Оноҥ ол маргаандардыҥ туружаачыларына јеҥӱлер ле иште једимдер кӱӱнзеген.
Маргаандардыҥ туружаачыларына уткуулду сӧстӧриле анайда ок Горно-Алтайск каланыҥ администрациязыныҥ јааны Ольга Сафронова, Россияныҥ МЧС-ыныҥ Алтай Республика аайынча баш башкартузыныҥ јааныныҥ молјуларын удурумга бӱдӱреечи Сергей Макарычев, јууныҥ ла иштиҥ ветерандарыныҥ республикан совединиҥ председатели Борис Алушкин, ӧрт каруулдыҥ ветерандарыныҥ, пенсионерлериниҥ ле МЧС-тыҥ системазыныҥ ишчилериниҥ совединиҥ председатели Алексей Адуков база баштанган.
Олег Хорохордин ӧрт-аргадаачы техниканыҥ, аргадаачылар иште тузаланып турган эмдиги ӧйдиҥ јазалдарыныҥ кӧрӱзиле танышкан ла тергеелик МЧС-тыҥ ишчилериле тушташкан.
Ӧрт каруулдыҥ бӧлӱктери ортодо функциональный ӧрт-аргадаачы многоборье аайынча ачык чемпионат Горно-Алтайск каланыҥ тӧс тепсеҥинде тулаан айдыҥ 30-чы кӱнинде ӧткӧн. Маргаандарда бистиҥ тергеениҥ 13 командазы ла Монголияныҥ ӧрт ӧчӱреечилериниҥ командазы турушкан.
Маргаандардыҥ программазында бир канча силовой ло прикладной упражнениелер болгон: бескези 32 килограмм чойды кӧдӱрери, 40 килограмм штангала упражнениелер, «Belarus” таҥмалу трактордыҥ покрышказын 30 метрге кантовать эдери, кӧлӧсӧниҥ покрышказын јаан маскала согуп, оны 40 метрге јылдырып апарары, суула аттыртар линияны 40 метрге чӧйӧри, бескези 40 килограмм кумакту сумалдарды 30 метр апарары ла о. ӧ.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина