«Алдындагы ченемелим болужат»

19.04.2019

Шабалин аймактыҥ јаан јурттарыныҥ бирӱзи – Чаргы јурт. Чаргыдагы јурт јеезениҥ администрациязыныҥ специализи болуп Ольга Валентиновна Шиховцова 2016 јылдаҥ ала иштейт.

Чаргыдагы јурт јеезениҥ администрациязында иштеердеҥ озо Ольга Валентиновна ӱредӱниҥ ле иштиҥ јолын ӧдӱп, јаан ченемелдӱ болгон. Чаргыныҥ школын божодып, ол ГАГУ-га ӱредӱге кирип, юристтиҥ дипломын алган. Јаргыда, Шабалинде кадастровый палатада иштеген. Је палатаныҥ бир кезик ижин МФЦ-ларга берип, ишчилердиҥ тоозын астадып ийерде, О. В. Шиховцова Чаргыдагы јурт администрацияда иштеерге келген.
«Чаргыдагы јурт јеезеге Барлак јурт кирет. Чаргыда 1194 кижи, Барлакта 56 кижи јуртайт. Мениҥ јаргыда ла кадастровый палатада ижим, юрист ӱредӱм эмдиги ижимде јаан болушту болуп јат. Мен кадрларла иштейдим, прокуратураныҥ, јаргылардыҥ, УФСИН-ниҥ сурак-запросторына каруулар бередим, архивтиҥ ижин апарып јадым. Јурт јеезениҥ јурт Совединиҥ (11 депутат) сессияларына документтер белетейдим. Онойдо ок экинчи специалист Т. Г. Коротянка хозучетло иштейт, справкалар берет. Е. Н. Хоробрых дезе каландарла, муниципал программаларла, черӱниҥ учедыла иштейдилер.
Бош ӧйдӧ айылдыҥ јанында чечектер отургузарын сӱӱйдим. Кӧктӧнип јадым, баштапкы ӱредӱмле мен јеҥил платьелерди ӱлгӱлеер, кӧктӧӧр 4 разрядту кӧкчи болорым. Билемле амыраар ӧйдӧ Алтайдыҥ јараш јерлериле јорыктайдыс, айылдап јӱредис — деп, ол куучындаган.

Н. Саданова

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина