«Алтай Республика — јӧпсиништиҥ тергеези»

26.04.2019

«Алтай Республика — јӧпсиништиҥ тергеези» деген бежинчи республикан конференция Майма аймакта «Манјӱрек» ГЛК-да кандык айдыҥ 25-26 кӱндеринде ӧдӧт.

Конференцияда јондык ла национально-культуралык организациялардыҥ ла биригӱлердиҥ, диаспоралардыҥ ла јерлежӱлердиҥ, јашӧскӱримниҥ јондык организацияларыныҥ, государственный национальный ла јашӧскӱрим политика аайынча иштеп турган окылу органдардыҥ 150-неҥ кӧп чыгартулу улузы туружат. Конференцияныҥ программазында ӱредӱлик ле дискуссионный площадкалар, эксперттердиҥ ле конференцияныҥ айылчыларыныҥ мастер-класстары, культураныҥ программазы. Мында ла государственный национальный политиканы јӱрӱмде бӱдӱрери јанынаҥ практикалык семинарлар, албатылар ортодо колбуларды тыҥыдары јанынаҥ иш аайынча ченемелле ӱлежери ӧдӧт.
Конференция ӧйинде анайда ок башкартуныҥ Сибирьдеги институдыныҥ — РАНХиГС-тыҥ филиалыныҥ курстары Россия Федерацияныҥ субъекттеринде государственный национальный политиканы бӱдӱрери јанынаҥ темала ӧдӧт. Бу курстарда туружып тургандардыҥ тоозында муниципал тӧзӧлмӧлӧрдиҥ чыгартулу улузы ла ӧскӧ дӧ ишчилер.
Конференцияны РФ-тыҥ национальностьтордыҥ керектери аайынча федерал агентствозы, АР-дыҥ башкарузы, нацполитика ла јондык колбулар аайынча республикан комитет тӧзӧп ӧткӱрет.
Конференцияныҥ ижи керегинде элбеде бичимел бистиҥ газеттиҥ келер номерлериниҥ бирӱзинде јарлалар.

А. КӦБӦКОВ

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым