«Аргачылыктыҥ неделези

«Аргачылыктыҥ неделези – 2019»

24.05.2019

Алтай Республикада кӱӱк айдыҥ 20-24 кӱндеринде јаҥжыкканыла Россияныҥ аргачылыгыныҥ Кӱнине учурлай «Аргачылыктыҥ неделези – 2019» деген 5-чи республикан форум ӧтти. Форумныҥ керектерин Алтай Республиканыҥ экономикалык ӧзӱмниҥ ле ар-јӧӧжӧлик колбулардыҥ министерствозы, туризмди ле аргачылыкты ӧскӱрериниҥ республикан тӧс јери тӧзӧп ӧткӱрдилер. Форумныҥ программазы байлык ла элбек болды.

Форум аргачылыктыҥ ла јаҥныҥ ортодо колбулардыҥ тӧс ууламјылары аайынча шӱӱлтелерди шӱӱжер ле тӧзӧӧр јаан учурлу керек болуп јат. Горно-Алтайскта ӧткӧн форумда калыктыҥ ла кеендиктиҥ устарыныҥ фестивали, инвестициялык ӱлекерлердиҥ ярмаркалары (олордо муниципал тӧзӧлмӧлӧрдиҥ кӧрӱ-выставкалары тургузылган), аргачылыкта баштаҥкайлардыҥ конкурстары ӧткӱрилди. Онойдо ок неделениҥ ӧйинде тренингтер, кӱрее-куучындар, семинарлар, аргачылыктардыҥ ла муниципал тӧзӧлмӧлӧрдиҥ таныштыру-презентациялары ла практикумдар болды. Ӱредӱлӱ бу керектерде јетирӱлерди сертификаттарлу аргачы-эксперттер, ченемелдӱ аргачылар ла иштеп кӧндӱккен аргачы-консультанттар эттилер.

Баштапкы эки кӱнде ГАГУ-ныҥ алтаистика ла тӱркология факультединде кийистеҥ не-немелер эдерине ӱредер семинарлар ӧткӧн. Алтай Республикада эл-јонго комплексный јонјӱрӱмдик јеткилдештиҥ тӧс јеринде «Јонјӱрӱмдик аргачылыктыҥ тӧзӧгӧлӧри» деп суракла семинар эки кӱнге болгон.

Драманыҥ эл театрында бир уунда кӧп керектер ӧткӧн. Ол тоодо албаты устардыҥ кеендик эдимдериниҥ фестивали болгон ло ондо бастырага јуук аймактардыҥ устары эдимдерин тургускан. Кан-Оозы аймактыҥ устары кӧбизинде кийистеҥ эдилген солун ла кееркедимдӱ бӧрӱктер ле сӧӧктӧрдиҥ таҥмаларын тургускандар. Турачак аймактыҥ кӧрӱзинде агаштаҥ эдилген не-немелердиҥ байлыгын ла јаражын кижи кайкаар болуптыр. Майма аймактыҥ устарыныҥ койдыҥ, эчкиниҥ терелеринеҥ кӧктӧгӧн јууркандары, отургушка ла машинаныҥ отургуштарына салатан јууркандары кӧрӱмјилӱ эмтир. Чой аймактыҥ устары кӧрӱге агаштаҥ эдимдерле коштой ар-бӱткенниҥ байлыктарынаҥ эдилген јарангыштарын, јинјилерин, сыргаларын тургускан. Марина Жукованыҥ «Чаазын јӱрек» деп аргачылыгы альбомдор, сӱреен јилбилӱ открыткалар ла ӧскӧ дӧ чаазын эдимдер јазап турган болуптыр. Кӧрӱде онойдо ок Кӧксуу-Оозы, Кош-Агаш аймактардыҥ устары арткандарынаҥ башка, ӧскӧ эдимдерин тургускан.

Фестивальдыҥ база бир солун бӧлӱги – ол мастер-класстар ӧткӧни. Агаш наадайларды, ойноткыларды будыырыла, кийистеҥ кееркедим эдимдер эдериле, тереге јурук саларыла, алтай чайдыҥ чӱм-јаҥыла, сууда будукла јураарыла мастер-класстар јилбилӱ ӧткӧн. Тал-тӱштиҥ кийнинде туружаачыларга сертификаттар табыштырылган.

(Ӧткӧн ӧскӧ дӧ керектер керегинде келер номердеҥ кычырыгар)

Н. БЕЛЬЧЕКОВА

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина