Ачык јӱректӱлерге — сыйлар ла быйанду сӧстӧр

13.12.2019

Алтай Республикада бойыныҥ кӱӱниле иштер бӱдӱрерге белен болгондордыҥ кыймыгузыныҥ турчыларыныҥ тоозы 18 муҥ кире кижи.

2019 јылда олор јӱстер тоолу јарамыкту акциялар ла ондор тоолу килемјилик керек-јарактар белетеп ӧткӱрген. Онойдо ок бу ачык јӱректӱ улус башка-башка јаан керек-јарактарда болужын јетирген ле бастырароссиялык, албатылар ортодо керектерде турушкан.

Бойыныҥ кӱӱниле иштер бӱдӱрип тургандарга — волонтерлорго П. В. Кучияктыҥ адыла адалган эл драма театрдыҥ јаан залында бийик сценадаҥ быйанду сӧстӧр айдылды, кайралдар табыштырылды.

Анайда ок «Хрустальное сердце Алтая-2019» деп тергеелик конкурстыҥ јеҥӱчилдери јарлалды. «Юный доброволец года» деген ууламјыда Кош-Агаш аймактаҥ Дарина Нашева јеҥген. Беш јашту Дарина «Дари добро» деген клубтыҥ турчызы болот.

«Добровольческая семья года» ууламјыда јеҥӱни Чой аймактаҥ Параевтердиҥ билези алды. Улаганныҥ баштамы школы «Добровольческая акция года» деген ууламјыда јеҥген.

Горно-Алтайск каланыҥ 13-чи таҥмалу школыныҥ «Агентство социальных нянь «Помогатор» деген ӱлекери «Образовательная программа года в сфере добровольчества» ууламјыда эҥ артык деп адатты.

«Добровольчество в средствах массовой информации» деген номинацияда тӧс сыйды Кӧксуу-Оозы аймактыҥ орто ӱредӱлӱ школыныҥ «Тимуровцы нашего времени» деген ижи алды.

«Корпоративное добровольчестводо» јеҥӱ Турачак јурттыҥ 6 таҥмалу ӧрт ӧчӱреечи-аргадаачы бӧлӱгине берилди. Јылдыҥ эҥ артык экологиялык программазы учун Орус географиялык биригӱниҥ Алтай республикан бӧлӱгиниҥ јашӧскӱрим клубы темдектелди. «Добровольческий поступок года» ууламјыда волонтерлордыҥ «Смотри цифру» деген бӧлӱги јеҥди.

Быйанду самаралар, јӱзӱн-башка сыйлар оноҥ до кӧп јаанду-јашту волонтерлорго табыштырылды.

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина