Тергеениҥ башчызыныҥ елказы ӧткӧн

28.12.2019

Алтай Республиканыҥ башчызыныҥ јылдыҥ сайынгы јаҥыјылдык елказы јаҥар айдыҥ 25-чи кӱнинде јаҥжыкканы аайынча П. В. Кучияктыҥ адыла адалган эл театрда ӧтти.

Байрамдык керек-јаракта республиканыҥ бастыра муниципал тӧзӧлмӧлӧринеҥ 300 бала турушкан. Елкага јайалталу балдар, олимпиадалардыҥ, маргаандардыҥ, јайаандык конкурстардыҥ јеҥӱчилдери, јадын-јӱрӱминиҥ кеми кирелӱ билелердиҥ, анайда ок кӧп балдарлу билелердиҥ балдары ла аҥылу јӧмӧлтӧ керексип турган балдар кычырылган.

Байрамныҥ туружаачыларын келип јаткан Јаҥы јылла Алтай Республиканыҥ башчызыныҥ адынаҥ баштапкы вице-премьер Алексей Тюхтенев уткыган. Ол балдарды байрамла уткуп тура, республикада албаты-јонныҥ јадын-јӱрӱми јаранзын деп, кӧп иш-керектер ӧткӱрилип турган деген. Анайда ок байрамныҥ туружаачыларына тӱгенип јаткан јылда јеткен једимдери учун быйан айдып, келер јылда јаҥы једимдер ле јаркынду јеҥӱлер кӱӱнзеген.

Елканыҥ јиит айылчыларына ойноор площадкалар, мастер-класстар тӧзӧлгӧн, эҥ артык јаҥыјылдык костюм аайынча конкурс ӧткӱрилген болгон. Кажы ла аймактаҥ туружаачылар јайаандык номерлерин кӧргӱскен. Байрамныҥ туружаачыларыныҥ јаҥыјылдык костюмдары сӱрлӱ, јилбилӱ болгонын аҥылап темдектеер керек. Кожоҥчы балдар кожоҥдогон, бијечи балдар бијелеген…

Анайда ок балдарга «Доктор Айболит» деген спектакль кӧргӱзилген, оныҥ кийнинеҥ «Представление Маши» деген јаҥыјылдык ойын-кӧргӱзӱ ӧткӱрилген. Текши алар болзо, балдардыҥ јаҥыјылдык байрамы балдарга сӱӱнчилӱ, бийик кеминде ӧткӧн.

Байрамныҥ бастыра туружаачылары јаҥыјылдык сыйлар алган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина