Т. Гигель: «Кинотеатр амыраарына јарамыкту јер болзын»

10.01.2020

РФ-тыҥ Федерал Јууныныҥ Федерация Совединиҥ турчызы Татьяна Гигель республикала ишмекчи јол-јорыгы ӧйинде Чойдо јаҥы кинотеатрдыҥ окылу ачылтазында турушты.

Кинотеатр јеезелер ортодогы чӧлӧӧ ӧйдиҥ ле јетирӱлик-библиотечный тӧс јериниҥ туразында иштеер.

Чой аймактыҥ јааны Михаил Маргачев кӧдӱриҥини ачып тура, аймактыҥ культура бӧлӱгинде инфраструктураныҥ ӧзӱминде јаҥы, тузалу керек «Культура» деген нацӱлекердиҥ јӱрӱмде једимдӱ иштегениниҥ шылтузында бӱткен деген. Онойдо ок чокым јӧмӧлтӧ-болушты РФ-тыҥ культура аайынча министерствозыныҥ Фонды јетирген.

Сенатор Татьяна Гигель јерлештерине баштанып тура, кинотеатрларды ачып турганын тургуза ӧйдӧ ас учурап турган учурал деп айдарга јарабас деп айтты. Ороондо бежинчи јыл кичӱ калаларда ла јурттарда кинотеатрларды ачары јанынаҥ государственный программа иштеп јат. Киноныҥ фонды бу программаны башкарат. Јӱк ле ӧткӧн јылда культураныҥ мындый 350-ге шыдар тӧс јерлери ачылган, онызы јарамыкту керек.

Јасакчыныҥ шӱӱлтезиле болзо, аргачылар бизнестиҥ бу бӱдӱмиле иштеерге каа-јаада ла јӧпсинет. Нениҥ учун дезе кинотеатрлардаҥ јаан кирелте алары алаҥзулу. Ӱзеери эл-јоны ас-мас Чойдый јуртта болзын.

«Кинотеатрга госпрограмма аайынча чыҥдый јепсел-эдим келгенине сӱӱнедим. Кинооператорго до, гардеробко до, кассага да јерлер келишкени јарамыкту. Кинотеатр ачылганыла колбой јурт јердиҥ улузына Россияныҥ кинозындагы солундарла таныжар арга бар. Ороонныҥ кинотеатрларында шак Россияныҥ кинолорын артыксынып јат ине. Онойдо ок јаан экранда телекейлик кинопрокаттыҥ јарлу кинолорын, ӱзеери 3Д форматла кӧрӧр арга болор» — деп, ол айткан.

Татьяна Гигель јурттыҥ эл-јоны бойыныҥ јаҥы кинотеатрын сӱӱп ле јарадып, улай ла келер деп, бойыныҥ шӱӱлтезин айтты. Ол онойдо ок јеезелер ортодо чӧлӧӧ ӧйдиҥ ле јетирӱлик-библиотечный тӧс јериниҥ јааны Екатерина Лазаревага једимдӱ иш кӱӱнзеди.

«Мындый јакшынак керек ончозына јарамыкту – бистиҥ кинотургузаачыларга да, чӧлӧӧ ӧйдиҥ тӧс јерине де, кӧрӧӧчилерге де. Кӧрӧӧчилер эмдиги ӧйдиҥ кинозын кӧрӱп, кӧпти билип алар аргалу» – деп, јасакчы чокымдады.

Кинотеатрдыҥ ачылтазында јуулгандарды АР-дыҥ культура аайынча министриниҥ ордынчызы Елена Шатина, аймактыҥ азыйгы јааны Александр Борисов ло оноҥ до ӧскӧзи уткудылар.

АР-дыҥ башкарузыныҥ

пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина