Эл-Ойын Кан-Оозы аймакта ӧдӧр

31.01.2020

Алтай албатыныҥ тергеелер ортодо Эл-Ойын байрамын быјыл Кан-Оозы аймакта Ойбок ӧзӧктӧ ӧткӱрери керегинде јакаанга колды Алтай Республиканыҥ башчызы Олег Хорохордин салып койгон.

Тергеениҥ башчызыныҥ јакылтазы аайынча байрамныҥ тӧзӧмӧл комитединиҥ турчылары бу байрамды быјыл кайда ӧткӱрерин чокымдаарга, мынаҥ озо ӧйдӧ Эл-Ойынды быјыл бойыныҥ јеринде ӧткӱрерге кӱӱнзегенин угускан Оҥдой, Кан-Оозы, Кош-Агаш ла Майма аймактарда болуп, аймактардыҥ аргаларын ла јербойындагы айалгаларды шиҥдеп кӧргӧн.

Кӱреениҥ турчылары арга-айалгаларды шиҥдеп кӧрӧлӧ, байрамды Кан-Оозы аймактыҥ јеринде ӧткӱрери керегинде јӧпкӧ келген. Бу байрам јаан изӱ айдыҥ 2-5 кӱндеринде ӧдӧр.

«Албатыныҥ сӱӱген байрамын бис бийик кеминде ӧткӱрериске быжу бӱдедим. Алтай Республиканыҥ Кӱнин бастырабыс Эл-Ойында темдектеерис» — деп, тергеениҥ башчызы Олег Хорохордин соцсетьтердеги бойыныҥ бӱктеринде бичиген.

Байрам јебрен ӧйлӧрдӧҥ бери јарлу. Эмдиги ӧйдиҥ Эл-Ойыныныҥ тӱӱкизи 1988 јылда башталган. Байрам эки јылда бир катап ӧткӱрилет. Јаҥжыкканы аайынча ого республиканыҥ кӧп тоолу албаты-јоны јуулыжат. Ого Монголияныҥ, Туваныҥ, Хакасияныҥ, Казахстанныҥ делегациялары амадап келип, бойыныҥ айылдарын эмезе палаткаларын тургузат.

Јаркынду байрам ӧйинде спорттыҥ башка-башка бӱдӱмдери аайынча јилбилӱ маргаандар ӧткӱрилет — кӱреш, ок-јаадаҥ адары, ат јарыш, таш кӧдӱрери, камчыла согоры аайынча ла о. ӧ. Анайда ок конкурстар, албатызыныҥ кеп-кийимин кийген улустыҥ базыжы, артисттердиҥ ойын-концерттери, устардыҥ кӧрӱ-јарымкалары болот. Кайчылардыҥ кайы байрамныҥ база бир јаркынду элези болгонын албаты-јон јакшы билер. Алтайды алкаар ла аластаар алтай чӱм-јаҥ ӧткӱрилген соҥында, байрам јаҥжыкканы аайынча театрализованный кӧрӱ-ойынла ачылат.

Мынаҥ озо ӧйдӧ јарлалганыла, јилбилӱ ле јаркынду керек-јарактардыҥ EventsInRussia Национальный кӱнтизӱзиниҥ 2020 јылдыҥ эҥ талдама керектери аайынча топ-200 тооломына алтай албатыныҥ тергеелер ортодо Эл-Ойын байрамы, алтай јаҥы јылдыҥ Чага-Байрамы ла Кайчылардыҥ албатылар ортодо курултайы кийдирилген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина