Ат-спорттыҥ школыныҥ сурактары

07.02.2020

АР-дыҥ башчызы Олег Хорохордин балдардыҥ А. И. Ялбаковтыҥ адыла адалган ат-спорт школында болуп, учреждениениҥ башкартузыла тушташкан.

Андагы туштажуда ӱредӱлик ле билим аайынча министерствоныҥ, физкультура ла спорт аайынча комитеттиҥ, ат спорттыҥ республикан федерациязыныҥ, АР-дыҥ спорт аайынча јуунты командаларын белетеер тӧс јердиҥ чыгартулу улузы турушкан.

Бу школдыҥ директоры Павел Мартюшев тергеениҥ башчызына школдыҥ ижи керегинде куучындап, тазыктыру ӧткӱрер јалаҥдарды, конюшняны, јабык манежти кӧргӱскен. Школдо 105 бала тазыктырынат, ӱч тазыктыраачы-преподаватель иштейт, мындагы аттардыҥ тоозы 34.

Мынаҥ озо ӧйдӧ ӧрӧ адалган јалаҥдар јазалган, јаҥы јарыткыштар тургузылган, ӧлӧҥ тартатан ла ӧскӧ дӧ иштерди бӱдӱретен тракторды садып алган, кийинер-уштынар кыптарда јылыткыштар јаҥыртылган болгон.

Бӱгӱн школ балдардыҥ ӱзеери ӱредӱзиниҥ программазыла иштейт, 18 јажы јеткен спортчыларды белетеер аргазы јок. Ол ок ӧйдӧ бу школдо ӱредӱ-тазыктырузын оноҥ ары улалтарга кӱӱнзеп турган 18-21 јашту јииттер јербойында бар.

Ат спортло тазыктырынып ла ороон кеминде јакшынак једимдерге јеткен балдардыҥ ада-энелери Олег Хорохординге баштанып, спорт белетенишле, бистиҥ тергееде ат спорттыҥ ӧзӱминиҥ келер ӧйиле колбулу сурактарды кӧдӱрген.

Тергеениҥ башчызы ӱредӱлик ле билим аайынча министерствого бу школдыҥ администрациязыла кожо бастыра сурактарды ајаруга алган «јолдыҥ картазын» белетезин деп јакылта берген. «Эйе, профессионал спорт ӱзеери ӱредӱле колбулу эмес, је бистиҥ спортчы-конниктердиҥ једимдери бийик. Бис јеткен једимдерле болорзынып отурбас учурлу. Ат спортло тазыктырынып турган балдардыҥ ла ат спортты республикада ӧскӱрерге кӱӱнзеп турган спортчылардыҥ јилбӱлери ајаруга алылар учурлу» — деп, ол айткан. Анайда ок ол республикан спорткомитетке бу школло керектӱ административный ла тӧзӧмӧл болуш эдери, ол тоодо маргаандар ӧткӱрери аайынча јӧптӧжӱ тургуссын деп јакылта берген.

Бу школдо кӧп тоолу керек-јарактар ӧткӱрилет, балдар ат спорт аайынча нормативтерди бӱдӱрет, башка-башка кеминде маргаандарда туружат. Мында алты јаштаҥ ала 10 јашка јетире балдардыҥ «Алтын-Ат» ла јаан јашту спортчылардыҥ «Эксперт» деген клубтары иштейт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина