Јасты уткыган байрам

03.03.2020

Сакылталу јастыҥ баштапкы кӱнинде Горно-Алтайсктыҥ тӧс тепсеҥинде Масленица элбеде темдектелди. Бу албатылык байрамда тергееде јаткандарды ла оныҥ айылчыларын Алтай Республиканыҥ башчызы Олег Хорохордин уткыды.

«Масленица јебрен ӧйлӧрдӧҥ бери темдектелет. Ол кышты ӱйдешкенин ле јасты уткыганын керелеген байрам болуп јат. Оныла сӱрекей кӧп јаҥжыгулар ла чӱм-јаҥдар колбулу. Кышты сӱрӱп, ар-бӱткенди уйкудаҥ ойгозорго бу байрамды нак, сӱӱнчилӱ, кожоҥду, ойындарлу, кӱреелей туруп ӧткӱрер керек деп чотолот» — деп, тергеениҥ башчызы айтты.

АР-дыҥ Эл Курултайыныҥ председатели Владимир Тюлентин тепсеҥде јуулгандарды уткып тура, славяндардыҥ јебрен байрамы јылуларла кожо кажы ла кижиге јарамыкту солынталар болорына ижемји берип турганын темдектеди. «Канча ук калыктар эптӱ-јӧптӱ јаткан республикабыста бу байрам амыр-энчӱни, јаркынду келер ӧйгӧ ижемјини тыҥыдарында јарамыкту» — деп, ол айтты.

Горно-Алтайсктыҥ администрациязыныҥ јааны Ольга Сафронова калада јаткан кажы ла билеге сӱӱнчи ле ырыс-кежик кӱӱнзеди.

Тӧс тепсеҥде јайаандык ӧмӧликтер турушкан јаркынду театрал кӧргӱзӱ болды. Байрамчылар албаты сӱӱген ойындарда ла солун конкурстарда туруштылар.

«Масленицаныҥ эҥ јилбилӱ наадайы», «Эҥ артык кеп-кийим», «Эҥ кеберкек кыстар» деген конкурстар ӧтти.

Јараштыра сыгырып билер устар «Сыгырчы—мактанчак» деген маргаанда турушкандар, частушкалардыҥ устары — «Частушка — Масленицаныҥ нӧкӧри» деген конкурста. Эҥ баалу сыйлар учун Масленицаныҥ, байла, эҥ кӱч маргаанында, столмого чыгарында, эҥ эпчил ле ийделӱ эрлер маргышкан. Онойдо ок Масленицада албатылык устардыҥ иштери кӧргӱзилген.

Јаҥжыкканы аайынча байрам Масленицаныҥ наадайын ӧртӧгӧниле тӱгенди.

Масленицаныҥ кийнинде кресттӱ јаҥдуларда Улу пост башталып јат. Канча кӱнниҥ туркунына ӧдӱп турган пост — ол јаан агару Пасха байрамга белетениш.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина