Озочылдардыҥ, устардыҥ ундылбас кӱндери

13.03.2020

Алтай Республикада Ӱредӱликтиҥ устарыныҥ, озочылдарыныҥ кӱндери, кӧрӱ-маргаандары тулаан айдыҥ 10-14 кӱндеринде ӧдӧт.

Талада јакшынак јаҥжыгу болуп, Ӱредӱликтиҥ устарыныҥ кӱндери јылдыҥ ла бийик кеминде ле тӧзӧмӧлдӱ ӧдӧт. Быјылгы кӧрӱ-маргаандарда башка-башка аймактардаҥ ла каладаҥ 56 ӱредӱчи эрчимдӱ туружат. Јаан учурлу кӧдӱриҥи ӧйинде алты кӧрӱ-маргаан ӧдӧт: «Јылдыҥ таскадаачызы», «Јылдыҥ ӱредӱчизи», «Алтай тилдиҥ ле литератураныҥ ӱредӱчизи», «Јӱрегимди балдарга бередим», «Служу Отечеству!», «Ӱредӱликте — озочыл». Ӱредӱликтиҥ устарыныҥ кӱндериниҥ, кӧрӱ-маргаандарыныҥ туружаачыларыныҥ кӧп сабазы мынаҥ озо аймактарда ӧткӧн кӧрӱ-маргаандардыҥ јеҥӱчилдери.

Быјыл «Служу Отечеству!» деген кӧрӱ-маргаан баштапкы катап ӧткӱрилет. Бу маргаанда јуучыл-тӧрӧлчи кӱӱн-таптыҥ клубтарыныҥ башкараачылары, ӱредӱчилери, таскадаачылары туружат.

«Алтай Республиканыҥ алтай тилдиҥ ле литератураныҥ ӱредӱчизи» деген талалык кӧрӱ-маргаан Шабалин аймактыҥ Шыргайтыдагы орто текшиӱредӱлик школында ӧдӧт. Бу кӧрӱ-маргаанда алтай тилдиҥ ле литератураныҥ јети ӱредӱчизи туружат. Олор — Сынару Васильевна Аратина (Сугаш јурттыҥ школынаҥ), Јажнай Ивановна Мендешева (Ийин јурттыҥ школынаҥ), Айна Вячеславовна Самтакова (Телеҥит-Сортогой јурттыҥ школынаҥ), Рената Александровна Тагызова (Тулойдыҥ школынаҥ), Айсура Кимовна Теркишева (Кырлыктыҥ школынаҥ), Олеся Николаевна Тунтешева (Беш-Ӧзӧктиҥ школынаҥ), Эмилия Михайловна Феоктистова (Ӱзнезиниҥ школынаҥ).

Ӱредӱликтиҥ устарыныҥ кӱндериниҥ кӧдӱриҥилӱ ачылтазы П. Кучияктыҥ адыла адалган эл театрда тулаан айдыҥ 10-чы кӱнинде ӧтти.

Таланыҥ озочыл иштӱ, байлык ченемелдӱ, бойыныҥ ижиниҥ устары кӧрӱ-маргаандар ӧйинде јаҥыртулу, солун, јилбилӱ ченемелиле, онойдо ок белетеген, тургускан ӱредер ӱлекерлериле элбеде, тереҥжиде таныштырат. Уроктор до ӧткӱргилейт, мастер-класстарда да туружат.

Талалык кӧрӱ-маргаандар каланыҥ башка-башка ӱредӱлӱ заведениелеринде, школго јӱргелек балдардыҥ детсадтарында ӧдӧт. Темдектезе, «Јылдыҥ таскадаачызы» деген кӧрӱ-маргаан каланыҥ школго баргалак балдарыныҥ 12-чи таҥмалу «Березка» деген детсадында ӧдӱп јат. «Јылдыҥ ӱредӱчизи» деген кӧрӱ-маргаан В. К. Плакастыҥ адыла адалган ресгимназияда ла каланыҥ 7-чи школында ӧдӧт.

Ӱредӱликтиҥ устарыныҥ кӱндериниҥ кӧрӱ-маргаандарыныҥ кӧдӱриҥилӱ јабылтазы тулаан айдыҥ 14-чи кӱнинде ӧдӧр лӧ јеҥӱчилдердиҥ ады-јолдоры адалар.

Келер ӧйдиҥ улузын таскадары, ӱредери ле јаан јолына чыгарары каруулу да, кӱндӱлӱ де, нерелӱ де иш. Онызын республикада бойыныҥ ижиниҥ устары бу кӱндерде лапту кӧргӱзет.

К. ПИЯНТИНОВА

Е. БУТУШЕВТИҤ фотојуругы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым