Бийик кеминде белен болорыныҥ ээжизинде кубулталар

14.04.2020

Алтай Республиканыҥ башчызы Олег Хорохордин кандык айдыҥ 9-чы кӱнинде АР-дыҥ башкарузыныҥ тергеениҥ јеринде бийик кеминде белен болорыныҥ ээжи-режимин кийдирери керегинде јакаанына кубулталар кийдирген.

Документте айдылганыла, садуныҥ тӧс јерлериниҥ, кинотеатрлардыҥ, тӱндеги клубтардыҥ, балдардыҥ ойноор кыптарыныҥ, јондык аш-курсактыҥ дистанционный саду ӧткӱрип турган организацияларынаҥ ӧскӧлӧриниҥ, анайда ок аш-курсактаҥ ӧскӧ товарлар садып турган магазиндердиҥ ле стационарный эмес объекттердиҥ ижи, алдындагы ла чылап кирелендиргени аайынча, 2020 јылдыҥ кандык айыныҥ 30-чи кӱнине јетире иштебес. Мындый кирелендириш эҥ керектӱ аш-курсак эмес товарлар садып турган садуга таркадылбайт.

Туризмниҥ комплекстери, курорттор, улус јаттыргызар объекттер айылчыларды 2020 јылдыҥ кичӱ изӱ айыныҥ 1-кы кӱнине јетире албас. Москвала авиаколбу удурумга токтодылган: «Победа» авиакомпания рейстерин кӱӱк айдыҥ учына јетире токтодып салган, S7 — кандык айдыҥ 23-чи кӱнине јетире. Анайда ок Москвадаҥ Алтай крайдыҥ Барнаул калазы јаар рейстер астадылган.

Массажный салондордыҥ, мылчалардыҥ, сауналардыҥ, спа-салондордыҥ ла олорго бӱдӱштеш јеткилдештер эдип турган объекттердиҥ ижи токтодылган. Парикмахерскийлер, јараштыҥ салондоры ла солярийлер клиенттер озолондыра бичиткен ле јеткилдештиҥ залында бир ле уунда ӱч кижинеҥ кӧп эмес улус болзо, ижин бӱдӱрер аргалу.

Иштеп турган јерлерине ле кыптарына санитарный обработка кыйалта јогынаҥ ӧткӱрилген болзо, стоматологический јеткилдештер эдип турган учреждениелер, анайда ок тӧс ижи документле јӧптӧлгӧн тооломго кирип тургандар ижин орныктырар аргалу. Олордыҥ тоозында машиналарды ла јазалдарды јазаары ла тургузары, агаш ӧскӱрери ле белетеери, садуныҥ ӧзӱмдер, ӱрендер, удобрениелер садар стационарный объекттери, ветеринарный јеткилдеш, тураларды ла инженерный инфраструктураныҥ объекттерин јазаары ла тудары.

Тооломго контактный линзалар ла очкилер садып ла јазап турган аҥылу магазиндер, автомобильный сервистиҥ јеткилдежин ӧткӱреечилер, автотранспортты јазап, јунуп ла дезинфекция ӧткӱрип турган объекттер, клининговый јеткилдештер эдеечилер, ол тоодо оромдорды ла кӧп албаты-јон болуп турган јерлерди, туралардаҥ ла улус јаткан кыптардаҥ ӧскӧлӧрин, арутаарын јеткилдеечилер база кийдирилген.

Бытовой ло компьютерный техниканы, ӧдӱктерди јазап турган организацияларга иштеер јараду база берилген. Анайда ок мынаҥ озо Алтай Республиканыҥ башкарузыныҥ јӧбиле јӧптӧлгӧн тооломныҥ систематӧзӧӧчи организациялары база иштейт.

«Россияныҥ президенти Владимир Владимирович Путинниҥ темдектегениле, компаниялар алдындагы ла чылап иштеерине бурыларына керектӱ бастыра айалгаларды тӧзӧӧр керек. Биске экономикага болгодый салтарлардыҥ кемин канча ла кире кирелендирер керек. Тооломго кийдирилген организациялар јӱк ле бастыра санитарно-эпидемиологиялык некелтелерди кыйалта јогынаҥ бӱдӱрип, ишти јеткилдеечи ишчилериниҥ тоозын канча ла кире кирелендирип иштеерине аҥылу ајару эдип турум» — деп, Олег Хорохордин айткан.

Бийик кеминде белен болорыныҥ режиминиҥ ӧйинде ижи токтодылбаган бастыра учреждениелердиҥ ле организациялардыҥ башкараачылары кыптарды дезинфицирующий не-немелерле арутаарын, социальный дистанцированиениҥ јаантайынгы режимин јеткилдеер учурлу.

Бийик кеминде белен болорыныҥ режиминиҥ ӧйинде бастыра санитарно-эпидемиологиялык некелтелерди ижин орныктырган ла улалтып турган организацияларда ла учреждениелерде канай бӱдӱрип турганын Роспотребшиҥжӱниҥ тергеелик башкартузыныҥ специалисттери шиҥжӱде тудар.

«Самоизоляцияныҥ режимин кем де токтотпогон, ол кандык айдыҥ 30-чы кӱнине јетире улалар. Алтай Республиканыҥ улузы айылдарында отурары, јаткан јеринеҥ ӧскӧ јер јаар јаан шылтак-неме јогынаҥ барарын кирелендирери, улусла кандый да колбулар болорынаҥ канча ла кире кыйары јаан учурлу. Айылдаҥ ла чыкса — кыйалта јогынаҥ маскалу јӱрер керек. Муниципал тӧзӧлмӧлӧрдиҥ јаандарына — јондык јерлердиҥ, тепсеҥдердиҥ, токтодулардыҥ, киреечи группалардыҥ, јондык транспорттыҥ јаантайынгы дезинфекциязын јеткилдеер керек. Бис Россияныҥ инфекция кирбеген ӱч тергеезиниҥ тоозында артадыс. Сӱрекей ајарыҥкай болгоны ла самоизоляцияныҥ режимин кыйалта јогынаҥ бӱдӱрери бистиҥ јердӧӧн инфекция кирбезин јеткилдеерине јаан болуш болор» — деп, Олег Хорохордин темдектеген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина