Ар-бӱткенисти ӧрт-тӱбектеҥ корып алалы!

28.04.2020

Кандык айдыҥ 1-кы кӱнинеҥ ала Алтай Республикада ӧрт чыккадый чочыдулу ӧй башталган. Кандык айдыҥ 10-чы кӱнинеҥ ала ӧрт болдыртпазы аайынча аҥылу режим кийдирилген. АР—дыҥ јерлеринде агаш фондтыҥ агаш аразында кандык айдыҥ 20-чи кӱнинеҥ ала кӱӱк айдыҥ 10-чы кӱнине јетире граждандар јӱрери ле ары кӧлӱктер ӧдӧри кирелендирилген.

2020 јылда ӧрт чыккадый чочыдулу ӧй башталганынаҥ ала кандык айдыҥ 27-чи кӱнине јетире Алтай Республикада агаш аразында 461,7 га јерде 12 ӧрт болгоны темдектелген. Тургуза ӧйдӧ агаш аразында 413 га јерде 3 ӧрт кӱйет, олор кирелендирилген. 48,7 га јерде ӧрттӧр ӧчӱрилген.

2020 јылдыҥ ӧрт чыккадый чочыдулу ӧйинде тергееде агаш фондтыҥ агаш аразын корыырын автоном тӧзӧлмӧлӧрдиҥ агаш аразында ӧрт ӧчӱрер 11 тӧзӧлмӧзи јеткилдейт. Олордыҥ тоозында агаш аразында ӧрт ӧчӱреечи 196 специалист ле 186 единица техника.

«Авиалесоохрананыҥ» агаш аразыныҥ авиациялык корулажыныҥ Алтайдагы базазында 3 вертолет бар, 4 летчик-кайучыл ла ӧрт ӧчӱреечи десант службаныҥ 55 специализи иштейт.

Кандык айдыҥ 25-чи кӱниндеги јетирӱлерле болзо, Оҥдой аймакта эки ар-бӱткендик ӧрт кӱйген: Шашыкмандагы јурт јеезениҥ Шибилик ӧзӧгинде (210 га) ла Кичӱ Ийин јурттыҥ јанында (88 га).

Ийинниҥ јанындагы ӧртти ӧчӱреринде 50 кижи ле 11 единица техника турушкан. Бу иштерде профессионал ӧрт ӧчӱреечилер ле Ийинде јаткандар турушкан.

Шибилик ӧзӧктӧги ӧртти ӧчӱреринде 202 кижи, 37 единица техника ла 1 вертолет турушкан.

Ӧрт ӧчӱреринде профессионал ӧрт ӧчӱреечилерге (лесниктер, аргадаачылар, авиаагашкорулаш ла ӧрт болдыртпазы аайынча служба) јаан јӧмӧлтӧзин Шашыкман, Каракол, Кулады, Оҥдой јурттардыҥ улузы јетирген.

Республиканыҥ башчызы О. Хорохординниҥ јакааны-ла ӧрт ӧчӱреринде «Турачак агаш» ла «Чой агаш» тӧзӧлмӧлӧрдиҥ ӧрт ӧчӱреечилери база турушкан.

Тургуза ӧйдӧ Оҥдой аймакта Ийин јурттыҥ јанындагы ла Шибилик ӧзӧктӧги ӧрттӧр кирелендирилген. Ӱзе учуралдарда ӧрттӧр чыкканында кижи бурулу.

Улус кедери кузуктап ла калбалап барбай, ӧрт болдыртпазы аайынча ээжи-некелтелерди буспазын, су-кадыгын ла ар-бӱткенди кичеезин деп баштанадыс!

Јеткер-неме болдыртпазы јанынаҥ тергеелик диспетчерский служба тӱни-тӱжи иштейт, телефоны — 8-800-100-94-00.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина