Горно-Алтайскта јолдор јазалат

19.05.2020

Горно-Алтайск каланыҥ Колхозный ла Вербицкийдиҥ оромдорында «Јеткер јок ло чыҥдый јолдор» деген нацӱлекер аайынча иштер оноҥ ары улалганча.

Бӱгӱн јолды элбедери, ташла тыҥыдары аайынча иштер ӧткӱрилет, мынаҥ ары асфальт салынар, тротуарлар эдилер деп, каланыҥ администрациязы јетирет. Бу иштер быјыл сыгын айдыҥ 30-чы кӱнине јетире бӱдер учурлу.

«Јеткер јок ло чыҥдый јолдор» деген нацӱлекер аайынча иштер 2020 јылда Горно-Алтайскта алты объектте ӧткӱрилер: ӧрӧ адалган оромдордо ло Кировтыҥ, Чкаловтыҥ, Чапаевтиҥ оромдорында, Јеҥӱниҥ 75-чи јылдыгыныҥ проездинде. Чыныкталатан јолдордыҥ текши узуны – алты километрдеҥ кӧп.

Текши республиканы алза, нацӱлекер аайынча быјыл 155 километр јолдор чыныкталар, ондый амадулу иштер бастыра аймактарда ӧдӧр.

«Јеткер јок ло чыҥдый јолдор» деген ӱлекер аайынча јолдорды јазаары бистиҥ тергееде текшилей башталып калган. Темдектезе, Чамал ла Оҥдой аймактарда јолдордыҥ бӧлӱктериниҥ ӱстин јазаарыныҥ баштапкы бӧлӱги башталган. Чамал јурттыҥ ичинде узуны 7,5 километр кире јол јаҥыртылар, Јоло-Кайырлык деген јолдыҥ 2 километр ӱзӱги јазалар.

Анайда ок Јабаган-Туйакту, Карасук-Сайдыс деген јолдорды јазаары база башталган. Тергеениҥ арткан јерлериндеги јолдордо јазашту иштер јанынаҥ белетениш ӧдӧт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина