Ӧрт ӧчӱрер техниканыҥ тӱлкӱӱрлерин табыштырган

28.05.2020

АР-дыҥ башчызы Олег Хорохордин агаштарды корыыры аайынча автономный учреждениелердиҥ башкараачыларына ӧрт ӧчӱрер јаҥы техниканыҥ тӱлкӱӱрлерин табыштырган.

Тергеениҥ башчызыныҥ айтканыла, быјыл келген баштапкы бӧлӱк бу кӧлӱктер «Экология» нацӱлекердиҥ «Агаштарды чеберлеп алары» деген федерал ӱлекери аайынча аткарылган. УАЗ кӧлӱкке тӧзӧлгӧлӧнгӧн кичӱ агашпатрульный тӧрт комплекс (МЛПК) ле коомой јолдорло јӱрер аргалу эки УАЗ-ик Улаган, Оҥдой, Кӧксуу-Оозы, Шабалин, Чой ло Кан-Оозы аймактарга берилген.

«Бистиҥ тергеениҥ агаш-ташту ла јуртээлемдик јерлеринде ӧрт болгодый деген јаан чочыду артканча. Јай изӱ ле јааштар јанынаҥ кирелӱ болгодый. Ӧрт ар-бӱткенде анаҥ-мынаҥ чыгып ла келет, оныҥ учун бу техника учреждениелердиҥ ижине јаан јӧмӧлтӧ болор. Ӧрт болдыртпазы, ӧрт-тӱбекти јурттарга јууктатпазы, эл-јонло јеткер болбозын јеткилдеери — јаҥныҥ органдарыныҥ тӧс иш-амадуларыныҥ бирӱзи» — деп, тергеениҥ башчызы айткан.

Нацӱлекер аайынча келген бу техника патрулированиеге, агаш-ташта ӧрт болуп турган јерге улусты ла ӧрт ӧчӱрерине керектӱ јазалдарды јетирерине, ӧрт болдыртпазыныҥ иштерин ӧткӱрерине јарамыкту.

МПЛК ӱч эжиктӱ ле беш кижи отурар кабиналу, темир бортовой платформалу, кодорып ийер тентованный јабынтулу. Анайда ок автомобиль бийик давлениениҥ јазалыла, мотопомпала, агаш ортозында ӧрт ӧчӱрер ранцевый јазалдарла, бензокирееле, шанцевый инструменттерле, коруланарыныҥ таҥынаҥ аргаларыла јеткилделген.

Јылдыҥ учына јетире база андый ок 36 кӧлӱк келер. Былтыр бистиҥ република ӧрт болдыртпазыныҥ ла ӧчӱрериниҥ 60 единица техниказын ла јазалдарын алган болгон. Тургуза ӧйдӧ автономный учреждениелерде коомой јолдорло јӱрер аргалу кӧлӱктер, гусеницаларлу тракторлор, оогош агашпатрульный комплекстер, ӧрт ӧчӱрериниҥ автоцистерналары, кӧлӧсӧлӧрлӱ тракторлор, вахтовый автобустар бар. Нацӱлекердиҥ шылтузында былтыр кеми 1130 гектар јерде агаштар орныктырылган, онызы пландаганыныҥ 100 проценти.

«Агаштарды чеберлеп алары» деген ӱлекер субъекттерде орныктырып турган агаштарлу јерлердиҥ кемин кӧптӧдӧрине, агаш-ташта болуп турган ӧрттӧрлӧ тартыжарыныҥ туза-јандырузыныҥ кемин бийиктедерине ууландырылган. Быјыл бу ӱлекерге 67,7 миллион салковой акча ууландырылар, ол акчаныҥ 59 миллион салковойы агаш-ташта ӧрттӧрди ӧчӱрер ле агашээлемдик техника аларына чыгымдалар.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым