Ӧрт болдыртпазыныҥ аҥылу режими улалганча

09.06.2020

Алтай Республикада тергеениҥ башчызыныҥ, башкарузыныҥ председателиниҥ јакааныла кийдирилген ӧрт болдыртпазы аайынча аҥылу режим улалып јат.

Бу ӧйдӧ эл-јон јаткан јерлерде ле олордыҥ јанында от саларга, кургак ӧлӧҥ ӧртӧӧргӧ јарабас.

Ӧрт болдыртпазы аайынча аҥылу режимниҥ некелтелерин бусканы учун улус административный кату каруузына тургузылар. Граждандарга 2-4 муҥ салковой акчага кезедӱ, јамылу улуска 15-30 муҥ салковойго кезедӱ эдилер аргалу.

Тергеениҥ МЧС-ыныҥ јетиргениле, государстволык ӧрт болдыртпазы аайынча шиҥжӱниҥ ишчилери муниципалитеттердиҥ јерлеринде ӧрттӧр болбозын деп, рейд-ширтӱлер, патрулирование ӧткӱрет.

Кичӱ изӱ айдыҥ 2-чи кӱнине јетире 928 рейд-ширтӱ ӧткӱрилген, 116 протокол тургузылган, 113 кижи текши кеми 274 муҥ салковойго турар административный каруузына тургузылган.

Статистиканыҥ кӧргӱзӱлериле болзо, улус јадар јерлерде ӧрт чыкканыныҥ шылтактары башка-башка болот. Је андый да болзо, эҥ ле кӧп учуралдарда — ол аракыдаш ла ӧчӱрилбеген таҥкы.

Ӧрттӧрдиҥ профилактиказында эҥ артыгы — андый чочыду эткедий бӧлӱк улусла јартамалду куучындар ӧткӱрери. Бу улус ӧрт болдыртпазыныҥ некелтелерин бӱдӱрип болбой турганынаҥ эмезе бӱдӱрер кӱӱни јок болгонынаҥ улам олордыҥ да, айылдаштарыныҥ да су-кадыгына чочыду бар.

Алтай Республикада ВДПО-ныҥ ишчилери Горно-Алтайск каланыҥ эл-јонды јонјӱрӱмдик јанынаҥ јӧмӧӧриниҥ башкартузыныҥ, тергеениҥ МЧС-ыныҥ ишчилериле кожо андый чочыдулу билелер сайын базып, олорло јартамалду иштер ӧткӱрет, ӧрт болдыртпазы аайынча ээжилерди бӱдӱргенин ширтейдилер.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.