Гусевка јуртта Эземниҥ кереези

07.07.2020

Республиканыҥ аймактарыныҥ јурт јеезелериниҥ ле тӧс калазыныҥ эл-јоныныҥ баштаҥкайларыла јурт јеезелерде, тӧс јурттарда, Горно-Алтайск калада Ада-Тӧрӧл учун Улу јууныҥ туружаачыларына кереестери јаҥыртылган ла јаҥыдаҥ тургузылган, спорттыҥ ла балдардыҥ ойноор площадкалары јазалган. Је кезик јаан иштер эмдиге улалат.

Ӧткӧн неделеде Чой аймактыҥ Гусевка јуртында совет калыктыҥ Ада-Тӧрӧл учун Уу јуудагы Јеҥӱзине учурлалган мемориал комплексин чыныктаар иштер учына чыгып клеет деген солун болгон. Бис бу сӱреен солун комплекс керегинде газеттиҥ јаскыдагы номеринде бичиген болгоныс.
Архитектураныҥ „Тул эпшилер“ деп композициязы бийиги 2,55 метр 3D-модельде тудулган. Јетирӱлерлӱ алты стенд Гусевкадаҥ ла коштойында јурттардаҥ фронтко барган јуучылдардыҥ ла тылдыҥ ишчилериниҥ Ада-Тӧрӧл учун Улу јуудагы ат-нерезин керелейт.
Стендтердиҥ бирӱзинде Гусевка јурттыҥ тӧзӧлгӧн тӱӱкизи бичилген. Мемориал композицияныҥ база бир стендинде „Герой-Эне“ деп кӱндӱлӱ аттарлу, „Энениҥ магы“ ордендӱ ле „Энеликтиҥ медалиле“ кайралдаткан кӧп балдарлу энелер керегинде јетирӱлер бичилген.
Бу кереесте јалбак брус-таштар салылган, отурар јерлер јазалган, монумент-кереести айландыра чеденделген, „Тул эпшилер“ туратан тӧҥ бийиктедилген.
Гусевкадагы Эземниҥ аллеязыныҥ ӱлекери Алтай Республиканыҥ тергеелик ӧзӱминиҥ министерствозыныҥ программазыныҥ конкурсыныҥ јеҥӱчили болгонын эзедип ийели. Министерствоныҥ конкурс ӧткӱрген комиссиязы Чойдогы јурт јеезениҥ „Эл-јонныҥ баштаҥкайлары“ деп программа аайынча јурт јерлерди јарандырарына субсидия аларына эткен угузузын јараткан. Комплексти тударына республикан бюджеттеҥ 471 муҥ салковой чыгарылган.
Онойдо ок Чой аймактыҥ тӧс Чой јуртыныҥ „Олимп“ стадионы јаҥыртылып, тазыктырынар кӧп тренажерлор, спорт јепселдер тургузылган. Ӱлекерди бӱдӱрерине текши тооло 2 131 900 салковой чыгымдалган. Олордыҥ 2 млн салковойы федерал бюджеттеҥ, артканы республикан ла аймактыҥ бюджеттеринеҥ чыгарылган. Ускучтагы ла Ӱймендеги јурт јеезелерде Ада-Тӧрӧл учун Улу јууныҥ туружаачыларыныҥ ады-јолы бичилген Мактыҥ кереези тургузылган. Эки јыл кайра Красносельскте балдардыҥ ойноор спорт площадказы база бӱткен.
Быјылгы јылда эдилетен ӱлекерлердиҥ тоозында Паспаулда Мактыҥ ла Эземниҥ аллеязы болгон. Онойдо ок Улу Јеҥӱниҥ 75 јылдыгыла колбой Мактыҥ аллеязы „Эземниҥ бичиги“ деп адалып, Чой јуртта јазалат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина