Тергееде ЕГЭ башталганын шиҥдеп кӧргӧн

07.07.2020

Бирлик государственный экзаменди ӧткӱрериниҥ кӱнинде, јаан изӱ айдыҥ 3-чи кӱнинде, Россияныҥ ӱредӱлик аайынча министри Сергей Кравцов Алтай Республикада ишмекчи јол-јорыкла болгон.

Ол тергеениҥ башкараачызы Олег Хорохординле кожо В. К. Плакастыҥ адыла адалган республикан гимназияда, ЕГЭ ӧткӱрер пункттардыҥ бирӱзинде, болгон. Ол кӱн выпускниктер информатикала, јетирӱ-коммуникационный технологияларла экзамен табыштырган.
Тергеениҥ башчызы республикада мындый 14 пункт тӧзӧлгӧни, олордо 114 аудитория бар болгоны керегинде куучындаган.
«Бис јеткер-тӱбек болбозын јеткилдееринде бастыра санитарно-эпидемиологиялык некелтелерди бӱдӱрерис. Экзамен табыштыратан бастыра пункттар таҥынаҥ коруланарыныҥ не-немелериле, дезинфицирующий јазалдарла, ыраагынаҥ кемјип кӧрӧр термометрлерле јеткилделген, аудиториялар кейди арутаар јазалла јепселген» — деп, Олег Хорохордин айткан.
Министрдиҥ темдектегениле, ӱредӱликтиҥ системазы ЕГЭ-ни коронавирусла колбулу кызалаҥ айалгада ӧткӱрерине белен. Мынаҥ озо ченелтелӱ ЕГЭ ӧткӱрилген болгон — ол тушта јаҥыс ла экзамен ӧткӱрериниҥ арга-технологиязы эмес, је анайда ок эпидемиологиялык корулаштыҥ аргалары ченелип кӧрӱлген.
«Экзамендерди ӧткӱрер бастыра пункттарда толо кеминде дезинфекция кече ӧткӱрилген. Бӱгӱн пункттар белен, онызын Роспотребшиҥжӱниҥ специалисттери керелейт. Экзамен ӱредӱликтиҥ министерствозы ла Росӱредӱшиҥжӱ јӧптӧгӧн аайыла ӧдӧрине иженедим» — деп, Сергей Кравцов айткан.
Министр Алтай Республика ЕГЭ-ни ӧткӱрерине бийик кеминде белен болгонын темдектеген. «Бис тергеелерди ЕГЭ-ниҥ уч-турулталары аайынча баалап кӧрбӧйдис, бис экзаменди ӧткӱрери јанынаҥ ээжи-некелтелерди канайда бӱдӱрип турганын, экзамен чындык, ачык-јарык ла ак-чек айалгада ӧдӧрин баалап кӧрӱп јадыс. Ӧткӧн јылдыҥ уч-турулталарыла Алтай Республика бу кӧргӱзӱ јанынаҥ озочыл тергеелердиҥ тоозында болгон» — деп, министр темдектеген.
Министр мында кӱнде Алтай Республиканыҥ кӱни темдектелип турган болгон. Сергей Кравцов тергеениҥ албаты-јонын бу байрамла уткуп, тергееге оноҥ ары ӧзӱминде једимдер кӱӱнзеген.
Быјыл Алтай Республикада ЕГЭ-ни 1,4 муҥнаҥ кӧп кижи табыштырар, олордыҥ кӧбизи быјыл школды божоткондор. Баштапкы ол кӱнде информатикадаҥ башка, литературала, географияла ЕГЭ база ӧткӧн. Ӱч предмет аайынча ченелтелерди 241 кижи табыштырган.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир