«Канатту пехота» байрамын темдектеген

04.08.2020

Куран айдыҥ 2-чи кӱнинде Горно-Алтайск калада, бастыра ороондо чылап ок, Кей-десантный черӱлердиҥ кӱни темдектелген.

Черӱде службазын чаҥкыр берет кийип ӧткӧн улус ВДВ-ныҥ кӱнин кӧдӱриҥилӱ ле элбеде ӧткӱрери бистиҥ ороондо јаҥжыгып калган. Је быјыл Десантниктердиҥ кӱнин элбеде темдектеерине коронавирус деген југуш оорула колбулу кирелендириштер буудагын јетирген. Андый да болзо, черӱчил молјузын ВДВ-ныҥ черӱлеринде ӧткӧн улус бойыныҥ черӱзиниҥ байрамдык кӱнин кӧдӱриҥилӱ ӧткӱрди.

Каланыҥ Јеҥӱниҥ паркында јуулган чаҥкыр береттерлӱ улус кӧдӱриҥилӱ митингтиҥ кеминде керек-јаракта турушкан: ВДВ-ныҥ јарлу командующийи Совет Союзтыҥ Геройы Василий Маргеловтыҥ кӱлер бюст-кереезине чечектер салган. Оноҥ десантниктер јуучыл-афганецтерге учурлалган мемориал јаар кӧлӱктерлӱ барган. Алтай Республиканыҥ депутады, АР-дыҥ десантниктериниҥ биригӱзиниҥ председатели Аскар Тулебаев кӧдӱриҥилӱ митингтиҥ туружаачыларын профессионал байрамла уткуган, кыймыгу-керектердиҥ эрчимдӱ туружаачыларына «Россияныҥ ВДВ-зына 90 јыл» деген кереес медальдар табыштырган.

Черӱчил молјузын бӱдӱрип турала јуу-согуштардыҥ јалаҥдарында јеҥ јастангандарды бир минут унчукпазынаҥ эзедип, керееске чечектер салгандар. Байрамныҥ кӧдӱриҥилӱ бӧлӱгиниҥ кийнинеҥ ВДВ-ныҥ ветерандары аэропорт јаар барган, анда јаан эмес парад болгон, парашютту калыыры ла спорттыҥ маргаандары ӧткӧн.

ВДВ-ныҥ байрамын темдектеер керек-јарактардыҥ кезигинде кезик ветеран-десантниктер бала-барказыла кожо турушкан — онызы десантниктердиҥ база бир јакшынак јаҥжыгузы.

Текши алза, байрам ӧдӧр тушта оныҥ туружаачылары југуш оору таркабазыныҥ ээжи-некелтелериле башкарынган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина