«Мениҥ мааным, мениҥ тӱӱким»

21.08.2020

Россияныҥ Государственный маанызыныҥ куран айдыҥ 22-чи кӱнинде темдектелетен кӱнине учурлай «Мениҥ мааным, мениҥ тӱӱким» деген текшироссиялык акция ӧдӧр.

Соцсетьтерде онлайн-флешмоб бӱдӱмле ӧдӧтӧн бу керекте бистиҥ тергее база туружып јаткан, анда кӱӱнзеген бастыра улус туружар аргалу. Бу акция куран айдыҥ 21-чи кӱнинде ӱренчиктерге «Јаан перемена» деген текшироссиялык конкурстыҥ «ВКонтакте» соцсетьтеги окылу биригӱзи ажыра башталар. Анда туружарга, Россияныҥ маанызыла соктырткан фотојурукты эмезе видеоны соцсетьтерге салып, оныла колбулу керек-јарактар керегинде куучындаар керек. Бичимелдерде мындый хэштегтер болор учурлу: #МойФлагМояИстория#ДеньФлага, анайда ок кижиге бойыныҥ ады-јолын, тергеезин ле јаткан јерин кӧргӱзип салар керек.

Россия Федерацияныҥ Государственный маанызыныҥ тӱӱкизи керегинде айтса, РСФСР-дыҥ Ӱстиги Совединиҥ 1991 јылдыҥ куран айыныҥ 22-чи кӱнинде ӧткӧн чрезвычайный сессиязы Россияныҥ окылу темдеги триколор деп јӧптӧгӧн, РФ-тыҥ президентиниҥ 1993 јылдыҥ јаҥар айыныҥ 11-чи кӱниндеги Јарлыгыла РФ-тыҥ Государственный маанызы керегинде Ээжи јӧптӧлгӧн. 2000 јылдыҥ јаҥар айыныҥ 25-чи кӱнинде РФ-тыҥ президенти Владимир Путин «Россия Федерацияныҥ Государственный маанызы керегинде» федерал конституционный јасакка кол салган. Бу јасакла мааныныҥ тап-эриктик ээжизи ле мааныны тузаланарыныҥ ээжизи чокымдалган.

Текши алза, Россияныҥ маанызыла колбулу тӱӱки ӱч чактаҥ кӧп ӧйдиҥ туркунына улалып келген. Ак-чаҥкыр-кызыл мааны баштапкы катап Петр I каанныҥ адазы Алексей Михайлович ороонды башкарып турган ӧйдӧ «Орел» деген орус јуучыл керепте кӧдӱрилген болгон. Мааныныҥ «адазы» деп Петр I каан адалат: орус бастыра керептерде бу мааныны кӧдӱрери керегинде јарлыкка колды ол 1705 јылдыҥ чаган айыныҥ 20-чи кӱнинде салган, мааныныҥ бӱдӱми кандый болорын јураган ла чокымдаган.

Бистиҥ ороон СССР болгон тушта, 70 јылдаҥ ажыра ӧйдиҥ туркунына, оныҥ маанызы кызыл ӧҥдӱ болгон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина