Курсант Злата Григорьева Россияныҥ президентиле тушташкан

06.11.2020

Кӱчӱрген айдыҥ тӧртинчи кӱнинде бистиҥ ороондо јаҥжыкканы аайынча Калыктар бирлигиниҥ кӱни темдектелген. Бу кӱнде Россия Федерацияныҥ президенти Владимир Путин Кызыл тепсеҥге келип, Кузьма Мининге ле Дмитрий Пожарскийге учурлай тургузылган керееске чечектер салган.

Президент чечектерди салган кийнинде, Кызыл тепсеҥде ороонныҥ тергеелеринеҥ келген јашӧскӱримниҥ кыймыгуларыныҥ чыгартулу улузыла тушташкан. Бу туштажуда Горно-Алтайскта иштеп турган «Вымпел» деп јуучыл-тӧрӧлчи тӧс јердиҥ турчызы Злата Григорьева база турушкан (јерлеш курсант фотојурукта ичкери алдында солдоҥ оҥ јаны јаар 5-чи кижи).

Јерлеш курсант «мен ороонныҥ бу јаан байрамына Алтай Республикадаҥ келип туружып јадырым» — деп айдарда, Владимир Путин јиит кыстыҥ куучынын јӧмӧп: «Јаткан јереер сӱрекей кеен ле јараш» — деп айткан. Президент анайда ок бистиҥ тергеени туризмге бастыра јанынаҥ јарамыкту јер деп темдектеп, быјыл республикада јорыкчылардыҥ тоозы јетирезине кӧп болгон деп айткан.

Президент Златадаҥ амадулары керегинде сураарда, курсант кыс черӱчил кижиниҥ профессиязына, айса болзо, связистке ӱренерге турганы керегинде куучындаган. Владимир Путин «Вымпел» деп јуучыл клубтыҥ курсантына бийик ӱредӱ берип турган ӱредӱлӱ јерди јаспай, чын талдап алзын деп кӱӱнзеп, связьтыҥ јуучыл академиязы Санкт-Петербургта бар эди деп эске алынган.

Андый болордо, биске ырыс келижип, ороонныҥ эҥ јаан байрамдарыныҥ бирӱзинде Тӧрӧлистиҥ тӧс калазында Россия Федерацияныҥ президенти Владимир Путинле туштажып куучындашкан тӧрӧлчи кӱӱндӱ јерлежис Злата Григорьева амадузына јединип, келер ӧйдӧ, айса болзо, атту-чуулу черӱчил связист болуп ӧзӱп чыдаар деп иженери артып јат.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.