Бӱгӱн ичбойындагы керектердиҥ органдарыныҥ ишчилериниҥ байрамы

10.11.2020

Бӱгӱн бистиҥ телкем орооныста јаҥжыкканы аайынча Россия Федерацияныҥ Ичбойындагы керектериниҥ органдарыныҥ ишчилериниҥ кӱни темдектелип јат.

Быјылгы байрам кӱч ле кызалаҥду эпидемиологиялык айалгаларга келижип калганын айтпас арга, байла, јок. Коронавирустыҥ пандемиязы катуланып, јадын-јӱрӱмниҥ ле иш-тоштыҥ бастыразына шыдар бӧлӱктерине јаан чаптыгын јетирет. Је бу айалгалар ичбойындагы керектердиҥ органдарыныҥ ишчилериниҥ байрамын бир де тӧмӧн тӱжӱрбей турганын аҥылап темдектеер керек. Алтай Республиканыҥ ичбойындагы керектериниҥ органдарыныҥ ишчилери бойлорыныҥ профессионал байрамын, бастыра ла тергеелерде чилеп ок, кӧдӱриҥилӱ айалгада уткуп јат.

Полицияныҥ бӱгӱнги ишчилери ветерандардыҥ тӧзӧп салган јаҥжыгуларына чындык артат. Олор јаҥныҥ органдарын ла эл-јонныҥ јадын-јӱрӱмин корулаар јеҥил эмес ижин јаантайын ак-чек бӱдӱрип јадылар. Олордыҥ кӧп сабазыныҥ молјулу кереги кӱч ле јеткерлӱ учуралдарла јуук колбулу ла кӧнӱ тудуш. Байрам алдындагы иштиҥ турулталарын јетирезине јакшы деп айдарга јараар. Бӱгӱнги кӱнде каршулу керектердиҥ аайына чыгары бистиҥ тергееде јетен беш процентке бӱдӱп турганын темдектеер керек. Бу кӧргӱзӱ бӱткӱл Арасей тергеедеги тооныҥ орто кеминеҥ ле Сибирь федерал округтагы кӧргӱзӱдеҥ чик јок бийик.

Улустыҥ су-кадыгына ла јӱрӱмине јеткерлӱ болгон каршулу керектердиҥ аайына чыгып турган кӧргӱзӱлер база бийик. Эл-јон ло јажы эр кемине јетпеген јиит улус ортодо элбек кемдӱ јартамалду иштер јаантайын ӧткӱрилет. Оныҥ учун бу ууламјыларда јеткен једимдер база кӧрӱмјилӱ. Ичбойындагы керектердиҥ органдарыныҥ ишчилери республикадагы јаҥныҥ органдарыла, муниципал тӧзӧлмӧлӧрдиҥ, јурт јеезелердиҥ ле јаҥ корулаар ӧскӧ дӧ ведомстволордыҥ башкараачыларыла јуук колбуда иштейт.

Темдек эдип быјыл куран айда Шабалин аймакта болгон јеткерлӱ учуралды адаарга јараар. Ол тушта аймактыҥ ичбойындагы керектериниҥ органыныҥ ишчизи јалтанбазын ла ат-нерезин кӧргӱзип, улусты мылтыктаҥ адып баштаган кижиниҥ јеткерлӱ керегин токтодып алган. Экспертно-криминалистический тӧс јердиҥ ишчизи дезе Кадынныҥ суузында чӧҥӱп јаткан кижини аргадап алган. Ат-нерелӱ ӧскӧ дӧ керектердиҥ тоозы кӧп.

Бу байрамдык кӱнде полицияныҥ ишчилери анчада ла Ада-Тӧрӧл учун Улу јууда турушкан милиционер-ветерандарга јаан быйанын айдып јадылар. Бӱгӱн олордоҥ јӱк ле эки кижи эзен-амыр арткан — Сергей Иванович Гончаров ло Иван Федорович Пашков. Эҥ артык одус тогус кижи эл-јонныҥ амыр-энчӱ јӱрӱмин корулап, јеҥ јастанып јыгылгандар. Олордыҥ эземин органдардыҥ ишчилери ӱргӱлјикке ундыбас.

Алтай Республиканыҥ ичбойындагы органдарыныҥ ишчилерин профессионал байрамыла тергеениҥ министри полицияныҥ генерал-майоры Павел Гаврилин уткыган. Бу кӱнде ак-чек ле нерелӱ ижи учун 217 кижи башка-башка кайралдарла кайралдаткан. Олордыҥ тоозында Россияныҥ президентиниҥ ле Россияныҥ МВД-зыныҥ министриниҥ бийик кайралдары база бар. Алтай Республиканыҥ башкарузыныҥ ла Эл Курултайыныҥ кайралдары дезе сегис кижиге табыштырылган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина