Бистиҥ республикадаҥ 12 ӱлекер јеҥген

23.11.2020

Россия Федерацияныҥ туризм аайынча агентствозы ичбойындагы ла биске келип турган јорыкчылардыҥ туризмин ӧскӱрерге чыгарып турган гранттардыҥ конкурсыныҥ турулталарын кӧргӧн. Быјыл гранттар аайынча дезе бастыра 1,2 миллиард салковой акча ӱлештирилген.

Конкурска бастыра 4 061 ӱлекер аткарылган, мӧрӧйдӧ туружарына 2 735 угузу јарадылган, јеҥӱни 474 ӱлекер алган. Конкурста башка-башка ууламјыларлу ӱлекерлер турушкан деп айдар керек: јорыкчылардыҥ јаҥы маршруттарын тӧзӧӧри; аудиогидтерди ле мобильный приложение-јартамалдарды тургузары; су-кадыгы кирелӱ улустыҥ туризмин тӧзӧӧри; туризмге керектӱ эдим-јазалдарды алары, модульный конор тураларды тудары, амыраарына керектӱ товарлар ла спорттыҥ јазалдары, амырайтан катерлер, снегоходтор, мототехника, электромоблильдер, микроавтобустар ла ӧскӧлӧри де јанынаҥ.

Алтай Республикадаҥ конкурстыҥ јеҥӱчилдериниҥ тоозында 12 ӱлекер адалган. Олор: „Алтай-актив-тур“, «Манјӱрек» деп туркомплекс, «Артыбаш» деп конор тура, «Ыйык-Туу», Кош-Агаш, Чаган-Узун јурттардыҥ фермерлери Александр Фролов, Айабас Метреев ле ӧскӧлӧри де.

Тергеениҥ ар-бӱткенниҥ байлыктары, экология ла туризм аайынча министерствозы республиканыҥ јеҥӱ алган ӱлекерлериниҥ јӧмӧлтӧзиниҥ кеми 34,418 миллион салковой болор деп јетирет. Гранттардыҥ ээжилери аайынча, гранттарды ойноп алган аргачылар ӱлекерлерге текши акчаныҥ кеминиҥ ӱстине бойлорыныҥ 30% акчазын салар учурлу. Ӱлекерлер аайынча јӧптӧжӱ быјылгы јылдыҥ учына јетире тургузылар. Темдектелген ишти шак јӧптӧжӱ тургузылган ӧйдӧҥ ала алты айдыҥ туркунына бӱдӱрип баштаар керек.

Тергеениҥ турзм аайынча министри Ектерина Поварова бойыныҥ инстаграмында бистиҥ республикадаҥ конкурста туружарга 43 ӱлекер аткарылган, мӧрӧйдӧ туружарга дезе 32 ӱлекер талдалган, олордыҥ тоозынаҥ 12 ӱлекер јеҥӱ алган деп јетирет.

Екатерина Поварова: «Конкурста республикадаҥ турушкан кажы ла ӱчинчи ӱлекер јараду алган! Бу бистиҥ ӧмӧ-јӧмӧ ижисте јаан једим! Гранттарды Алтай Республикада окылу темдектеткен аргачылар алар деп аҥылап айдып турум. Мӧрӧйдӧ јеҥӱ алган ӱлекерлер Туулу Алтайдыҥ туризминиҥ бӱдӱм-кеберин келер јуук јылдарда танылбас эдип кубултарына иженип јадым» — деп темдектеп, ӱлекерлер аайынча иштер једимдӱ бӱтсин деп кӱӱнзейт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина