Гриппке удура вакцинация ӧдӧт

27.11.2020

Кӱс-кыш ӧйинде албаты-јонды грипп оорунаҥ корып алары јанынаҥ бистиҥ тергееде элбек кемдӱ иш ӧткӱрилет.

Кӱчӱрген айда бистиҥ тергееге гриппке удура тартыжарга јаан јашту улустыҥ иммунизациязына керектӱ «Совигрипп» деген вакцинаныҥ 7590 дозазын, «Ультрикс квадри» вакцинаныҥ 7552 дозазын, балдарга «Совигрипп» вакцинаныҥ 4665 дозазын экелген. Олорды республиканыҥ эмчиликтерине ӱлештирип салган, эл-јонныҥ вакцинациязы улалганча.

Калганчы јетирӱлерле болзо, тургуза ӧйдӧ бистиҥ тергееде 94634 кижиге прививка тургузылган, онызы планнаҥ 71,6 процент. Албаты-јонныҥ 43 процентине вакцинация эдилген.

Специалисттердиҥ аҥылап темдектегениле, грипп оору улустыҥ су-кадыгына јеткерлӱ оору болуп јат. Оныҥ да учун улусты бу оорунаҥ корып алары кӱнниҥ тӧс сурактарыныҥ бирӱзи болуп артканча. Вакцинация — грипп оору уур бӱдӱмдӱ ооруга кӧчпӧзин јеткилдейтен тӧс аргалардыҥ бирӱзи. Бӱгӱн улуска тузаланып турган вакциналар кижиниҥ су-кадыгына каршузын јетирбейт, ӧскӧ кандый бир ооруга экелбейт. Вакцинация анчада ла балдарга, хронический оорулу улуска, барлу эпшилерге, анайда ок эл-јонло јуук колбуда болуп ла иштеп турган улуска — медишчилерге, ӱредӱчилерге, јеткилдештиҥ ле транспорттыҥ бӧлӱгиниҥ ишчилерине, студенттерге ле ӧскӧ дӧ улуска сӱрекей јарамыкту деп темдектелет.

Тургуза ӧйдӧ јаҥы коронавирус оору јер-телекейде текшилей таркап калганынаҥ улам, гриппке удура тартыжары јанынаҥ сурактыҥ учуры там бийиктейт. Специалисттер албаты-јон југуш оорулар таркабазын јеткилдеериниҥ ээжи-некелтелерин кыйалтазы јогынаҥ бӱдӱрип, вакцинацияда эрчимдӱ турушсын деп баштанат. Кажы ла кижи бойыныҥ ла јуугында улустыҥ су-кадыгын чеберлеп аларына јаан ајару эдер учурлу.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина