«Мы вместе — Бис бирлик»

01.12.2020

Россия Федерацияныҥ Конституциязыныҥ кӱнине учурлай ла 1941-1945 јылдардагы Ада-Тӧрӧл учун Улу јууда Јеҥӱниҥ 75 јылдыгыныҥ байрамы кеминде мынайда адалган III гражданский форум онлайн аайыла ӧдӧр.

Керек-јарак јаҥар айдыҥ 8-9 кӱндеринде Горно-Алтайсктыҥ государстволык университединде ӧдӧр.

«Мы вместе — Бис бирлик» деген форум — ол коммерциялык эмес сектордыҥ, бӱдӱреечи ле јасакчы јаҥныҥ органдарыныҥ, јербойында бойы башкарынарыныҥ органдарыныҥ чыгартулу улузыныҥ ачык куучыныныҥ јери ле кӱјӱренижин бириктирип, бӱгӱнги кӱнниҥ каруулу ла баштаҥкайлу граждан јондыгын тӧзӧӧр площадка.

Форумда туружарына бӱдӱреечи јаҥныҥ ла јербойында бойы башкарынарыныҥ, тергеениҥ Јондык палатазыныҥ, јондык ла эл-јондык тӧзӧлмӧлӧрдиҥ ле биригӱлердиҥ чыгартулу улузы ла элбек јетирӱлер эдер муниципал эп-аргалардыҥ журналисттери кычырылат.

Форумныҥ программазы эки онлайн-площадкага бӧлӱлген. Ондо «Једимдӱ этнокультуралык ӱлекер тӧзӧӧри: јаҥжыгулар ла јаҥыртулар», «Эл политиканы јарлаары: јаҥ ла СМИ», «Јондык палаталардыҥ ла јондык советтердиҥ граждан јондыктыҥ тӧзӧлгӧнинде камааны», «Эл колбулар бӧлӱкте ресурсный тӧс јерлердиҥ айалгазы ла ӧмӧ-јӧмӧ ижи» ле оноҥ до ӧскӧ.

Форумныҥ эксперттери болуп Россияныҥ Калыктарыныҥ ассамблеязыныҥ Совединиҥ председателиниҥ баштапкы ордынчызы, «Эл колбулар бӧлӱкте ресурсный тӧс јер» АНО-ныҥ директоры, Россия Федерацияныҥ Президентиндеги калыктар ортодо колбулар аайынча Советтиҥ Россияныҥ албатыларыныҥ культуралык ла тил байлыктарын кичеер ле ӧскӱрер сурактар јанынаҥ комиссиязыныҥ турчызы Евгения Михалева, Московский областьтыҥ Јондык палатазыныҥ миграционный политика, албатылар ортодо ло конфессиялар ортодо колбулар аайынча комиссиязыныҥ председатели, Россия Федерацияныҥ Президентиндеги калыктар ортодо колбулар аайынча Советтиҥ балдарды ла јашӧскӱримди тӧрӧлчи кӱӱндӱ, кӧгӱс байлыгы јаан ле ак-чек болорына таскадарыныҥ сурактары аайынча комиссиязыныҥ турчызы Алексей Вайц, бизнес-тазыктыраачы, тренинговый программалардыҥ авторы, «АМТ Россияныҥ» технический партнеры, Preppy Consulting IIc. тӧзӧлмӧниҥ PR-директоры, телеӧткӱреечи Александр Пеньков туружар.

Форумда туружарга ddn04@mail.ru электрон почтага ады-јолын, иштеп ле јадып турган јерлерин, колбуга чыгатан јетирӱни, электрон почтазын бичип, угузу ийер керек. Угузулар јаҥар айдыҥ 5-чи кӱнине јетире алылар. Јетирӱлер алатан телефон: 8(388-22) 2-33-51.

Форумныҥ тӧзӧӧчилери — АР-дыҥ эл политика ла јондык колбулар аайынча комитеди, Калыктар најылыгыныҥ туразы.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина