Чойдо сӱттиҥ кеми кӧптӧйт

14.12.2020

Алтай Республиканыҥ башчызы Олег Хорохордин кӱчӱрген айдыҥ 10-чы кӱнинде Чой аймакта «Народный» деп адалган јуртээлемдик
кооперативтиҥ база-јеринде сӱт белетеер цехтиҥ ижин кӱдӱриҥилӱ айалгада ачты.

«Народный» деп кооператив 2008 јылда тӧзӧлгӧн лӧ бӱгӱнги кӱнде 22 ээлемнеҥ турат. «Чой аймак јаҥжыкканы аайынча агашла иштеер деп чотолып туратан болзо, бӱгӱнги кӱнде сӱт иштеп алар ла сӱттеҥ аш-курсак белетеер ишти мында база тӧзӧӧр арга бар деп јарт кӧрӱнет. Тергеениҥ башкарузы ла аймактыҥ башкараачылары аймактыҥ јӱрӱминде социально-экономикалык айалгаларды оҥдолторго ло экономикалык кемин тыҥыдарга, ӧзӱмге једингедий ууламјыларды јӧмӧӧр ишти улалтат. Аймакта онойдо ок мӧт иштеп алар ла мӧттӧҥ продукция белетеер иш, туризм элбеде ӧзӱм алынып турганын база кӧрӱп јадыс» — деп, Олег Хорохордин темдектеген.

2019 јылда тергеениҥ јурт ээлем аайынча министерствозыныҥ болуш-јӧмӧлтӧзиниҥ шылтузында кооперативтиҥ материально-технический тӧзӧлгӧзи јаҥыртылган ла чыныкталган. Ээлемге 2019 јылда 23 миллион салковойго турар государстволык болуш эдилген. Бу акча-манатка сӱттиҥ продукциязын белетеер јаҥы здание-тура тудулган, јаҥы оборудование, иштейтен керектӱ бастыра не-неме алынган. «Народный» деп адалган СПЗПКныҥ сӱди ле сӱттеҥ эткен продукциязы бӱгӱнги кӱнде јаҥыс ла Чой аймакта эмес, је онойдо ок коштой турган Турачак аймакта, Горно-Алтайск калада јарлу боло берди. Чойдыҥ ла Турачактыҥгосучреждениелерин, школдорын ла балдардыҥ садтарын сӱтле бу кооператив јеткилдеп јат. Чындап та, ашкурсактыҥ «Вкусы России» деп адалган ла бу јуукта ӧткӧн бастырароссиялык конкурсыныҥ «Бистиҥ јурттаҥ» деп адалган бӧлӱгинде кооперативтиҥ сӱди база турушкан. Брендтиҥ ады «Чойдыҥ сӱди» деп адалган. Чойдыҥ ГОСТтыҥ бастыра стандарттарына келижип турган сӱди кӱннеҥ кӱнге јарлу болуп бараатканы оморкодулу. Кооператив тергеелик конкурстарда канча катап јеҥген. Темдектезе, «СК Подворье» деп ООО-ныҥ йогурттары 2018 јылда «Алтын кӱс» деп адалган бастырароссиялык јуртээлемдик выставка-кӧрӱде јеҥӱ алган. «Подворье» — кооперативтиҥ турчызы. Ээлемчилердиҥ ижинде јаҥы ууламјылар кожор деген амадулар база бар болгонын темдектеер керек. Келер јылда олор сыр белетеер цех ачар деп амаду тургузадылар.

Алтай Республиканыҥ башчызы Олег Хорохордин сӱт белетеер цехтиҥ ачылганыла уткуп, ээлемчилерге једимӱ иш кӱӱнзеген. Онойдо ок тергеениҥ башкараачызы аргачы, КФХ-ныҥ јааны Светлана Саналовага Россия Федерацияныҥ јурт ээлем аайынча министерствозыныҥ Быйанду самаразын табыштырды. Алтай Республиканыҥ башчызыныҥ, башкарузыныҥ председателиниҥ Быйанду самараларыла «Народный» деп адалган СПЗПК-ныҥ јааны Олег Ярусов ло производство бӧлӱгиниҥ јааны Григорий Бачурин кайралдаткандар. Ээлемчилерди онойдо ок Алтай Республиканыҥ јурт ээлем аайынча министри Андрей Цыгулев, Эл Курултайдыҥ депутады Михаил Терехов, Чой аймактыҥ ол ӧйдӧги јааны Михаил Маргачев уткудылар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина