Бӱгӱн – Энергетиктиҥ кӱни

22.12.2020

Јаҥар айдыҥ 22-чи кӱнинде Энергетиктиҥ профессионал байрамы темдектелет. Бистиҥ айылдарыста электроот ло јылу шак ла бу улустыҥ шылтузында болуп јат.

Эмди јаҥыс ла бистиҥ республика ичинде эмес, је анайда ок текши ороон ичинде ады јарлу боло берген «Солнечная энергия +» ООО база бу бӧлӱкте иштейт. Оныҥ тӧзӧлгӧнинеҥ ала он јылдаҥ кӧп ӧй ӧдӧ берди. Бу ӧйдиҥ туркунына компанияныҥ јӱрӱмде бӱдӱрген ӱлекер-проекттери улустыҥ јадын-јӱрӱмин јеҥилтерине јаан камаанын јетирет. Ол тӧзӧлгӧнинеҥ ала кӱнниҥ чогынаҥ иштеер гибридный ла промышленный станцияларды Россияныҥ кӧп тоолу тергеелеринде туткан. Штаб-квартиразы Горно-Алтайсктагы организация альтернативный энергетиканыҥ объекттерин тудары аайынча ороон ичинде озочылдардыҥ бирӱзи болот.

Бутка бек туруп калган бу јаан компанияда иштеп турган специалисттердиҥ бастыразына јуугы јиит улус. Олордыҥ кемизи де ижи аайынча технический чоттомолдор эдет, кӱнниҥ чогынаҥ иштеер электростанцияны кандый јерде тургузарын шиҥдеп кӧрӧт. Кемизи де клиенттерле колбулу сурактар аайынча иштейт. СЭС-терди јазаары, салкынныҥ ийдезинеҥ ле кӱнниҥ чогынаҥ иштеер станцияларды тургузары аайынча иштеп тургандар бар. Компанияныҥ офизине кирип барзаҥ, тегин отурган кижи кӧрбӧзиҥ. Бастыразы ла эрчимдӱ иште.

Бу ӧйдиҥ туркунына компания јаҥыс ла электро-ийделе јеткилдееринде једимдӱ болгон эмес. Бӱгӱн республика ичинде ӧдӱп турган кӧп тоолу окылу керек-јарактар «Солнечная энергия+» компанияныҥ спонсорлык јӧмӧлтӧ-болужыла болот. Компания таҥынаҥ да улуска болуш јетирип турганын темдектебеске болбос.

«Солнечная энергия +» ООО-ныҥ ӧдӱп јаткан јылда бӱдӱрген ижи, келер јылга нени темдектеп алганы керегинде оныҥ генеральный директоры Андрей Ялбаковло ӧткӧн эрмек-куучыннаҥ кычырыгар (7-чи бӱкте).

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина