Јаҥыјылдык акция «Амаду-кӱӱнземелдердиҥ елказы»

28.12.2020

Алтай Республиканыҥ башкарузыныҥ турчылары Јаҥы јылдыҥ алдында балдар ортодо ӧткӱрилип јаткан «Амаду-кӱӱнземелдердиҥ елказы» деп акцияда туруштылар.

Тергеениҥ башчызы Олег Хорохордин јаҥыјылдык чибичектеҥ јадын-јӱрӱмниҥ уур айалгаларына кирген балдардыҥ амаду-кӱӱнземелдери бичилген ӱч открытка уштып алган. Ол бойыныҥ јонјӱрӱмдик сетьтердеги бӱктеринде: «Майма аймакта јаткан 13 јашту Никита деп уулчак Јаҥы јылдыҥ байрамында ого смартфон сыйлап берзин деп сураган. Шыргайты ла Алферово јурттарда јаткан тогус јашту Кайрал ла алты јашту Наташа дезе открыткаларында олордо телевизор ло тышкары тузаланатан спортивный комплекс болгон болзо деген кӱӱнземелдерин бичигендер» — деп јетирет.

Башчы бу акцияда анайда ок оныҥ ордынчылары ла министерстволордыҥ башкараачылары турушкан деп темдектеген.

Баштапкы вице-премьер Эжер Ялбаков Горно-Алтайскта јаткан тӧрт јашту Тимофейдиҥ шведский стенка керек деген кӱӱнземелин бӱдӱрер. База бир баштапкы вице-премьер Виталий Махалов тогус јашту Савелийге јаҥы телефон сыйлап берер.

АР-дыҥ башкарузыныҥ председателиниҥ ордынчызыныҥ молјуларын бӱдӱрип турган Динара Култуева Маймада јаткылап турган јети јашту Алексейге ле он эки јашту Тимофейге ноутбук ла эмик јоктоҥ иштеп турган наушник сыйлаар.

АР-дыҥ башкарузыныҥ председателиниҥ ордынчызы, акча-манат аайынча министр Ольга Завьялова Улаган аймакта Саратан јуртта јаткан тогус јашту Наташа деп кызычакка телефон, ӱредӱниҥ ле билимниҥ министри Ольга Саврасова республиканыҥ тӧс калазында јаткан јети јашту Артемго пультла башкарып ойнойтон ойынчык машина, ар-бӱткенниҥ байлыктарыныҥ, экологияныҥ ла туризмниҥ министри Екатерина Поварова Кызыл-Ӧзӧктӧ јаткан тогус јашту Егорго ноутбук, иштиҥ, јонјӱрӱмдик ӧзӱмниҥ ле эл-јонды ишле јеткилдеериниҥ министри Адар Сумин Горно-Алтайскта јаткан он эки јашту Кириллге туу чаначыныҥ кебин, телефон ло балдардыҥ «Приключения Карандаша и Самоделкина» деген бичигин, тергеелик ӧзӱмниҥ министри Олег Пьянков дезе Горно-Алтайскта јаткан сегис јашту Давидке ноутбук сыйлаарга белетенгилейт.

Јаҥы јылдыҥ байрамыныҥ акциязы улалганча. Килемјиниҥ «Мениле кожо амада» деген ӱлекери «Амаду-кӱӱнземелдердиҥ елказы» деген акцияны 2020 јылда бистиҥ тергееде ӱчинчи катап јарлаган. Бу акция аайынча јадын-јӱрӱмниҥ уур ла кӱч айалгаларына учураган улуска јаҥыјылдык болуш эдилер.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина