2021 јылда бала тапкан баштапкы энелерди уткуган

11.01.2021

Алтай Республиканыҥ башкарузыныҥ председателиниҥ ордынчызыныҥ молјуларын бӱдӱреечи Динара Култуева јаҥы 2021 јылдыҥ баштапкы кӱнинде чыккан балдардыҥ энелерин уткыды.

Алтай Республиканыҥ бала табар туразында чаган айдыҥ баштапкы кӱнинде тӧрт бала чыккан. Тӱнниҥ эки саат јирме минудында тӧрт килограмм бескелӱ уулчак чыккан, бир частаҥ ак-јарыкка кызычак туулган. Оныҥ кийнинеҥ тӱш туркунына база эки уулчак чыккан. Динара Култуева Алтай Республиканыҥ башчызы Олег Хорохординниҥ адынаҥ энелерди уткуп, олорго ло балдарга су-кадык, ырыс кӱӱнзеди.

«Биледе бала чыкканы — ол сӱреен јаан учурлу керек, неле де баалап болбос ырыс. Јаҥыјылдык тӱнде чыккан балдар кайкалла тӱҥейлеш. Јаҥы чыккан болчомдор су-кадык чыдагылазын, ырысту јӱрӱмдӱ болзын» — деп, Динара Култуева айткан. Бистиҥ тергееде бӱгӱнги кӱнде балдарга ла энеликке учурлалган кӧп јакшы керектер ӧткӱрилип јат деп, ол кошкон. Балдардыҥ јакшынак садтары, бастыра јанынаҥ јеткилделген школдор тудулып јат, јиит билелерге ле кӧп балдарлу билелерге государстволык јаан болуш јетирилет. «2021 јылда Алтай Республикада јаҥы чыккан балдардыҥ тоозы кӧптӧзин ле олордыҥ јӱрӱми ырысту болзын» — деп, ол темдектеген.

Тергеениҥ балдарыныҥ 80 проценти республикан Перинатальный тӧс јерде чыгып турганын темдектеер керек. 2020 јылда мында текши тооло 2389 бала туулган. Јаҥы јылдыҥ беш кӱниниҥ туркунына ак-јарыкка 26 бала чыккан.

Бистиҥ республика ороон ичинде кӧп балдар чыгып турган тергеелердиҥ тоозында канча јылдарга улай темдектелип келген. Бу јакшынак јаҥжыгу мынаҥ да ары улалып барзын деп кӱӱнзейли.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина