Албатыныҥ чындык уулын эзедип

14.01.2021

Чаган айдыҥ 12-чи кӱнинде јарлу алтай јурукчы ла јондык-политикалык ишчи Григорий Иванович Чорос-Гуркинниҥ чыкканынаҥ ала 151 јылдыгына учурлай оныҥ Горно-Алтайсктагы кереезине чечектер салылган.

Бу јаҥжыккан керек-јаракта Алтай Республиканыҥ башчызы, башкарузыныҥ председатели Олег Хорохордин, Эл Курултайдыҥ председателиниҥ молјуларын бӱдӱреечи Герман Чепкин, сенатор Татьяна Гигель, Госдуманыҥ депутаттары Иван Белеков ло Родион Букачаков, республи-кан парламенттиҥ депутаттары, јаҥныҥ республикан бӱдӱреечи органдарыныҥ башкараачылары, јондык биригӱлердиҥ ле јайаандык интеллигенцияныҥ чыгартулу улузы турушкан.

Герман Чепкинниҥ айтканыла, Г. И. Чорос-Гуркин бистиҥ тергеениҥ албатызына тӧрӧл Алтайын макка чыгарган јайалталу јурукчы, публицист, этнограф болуп јат. Анайда ок ол XX чактыҥ башталганында алтай албатыныҥ государственнозын, Алтай Туулык Думаныҥ председатели болуп тура, Туулу Алтайда парламентаризмди ӧскӱрери јанынаҥ шӱӱлтезин ичкерлеткен. Јеҥил эмес ол ӧйдӧ мындый шӱӱлте эдери, бу јанынаҥ чокым иштер бӱдӱрери оныҥ кӧгӱс-санаазы тереҥ болгонын, тӧрӧл албатызыныҥ салымы керегинде элбеде сананып јӱргенин керелейт. «Бистиҥ јарлу јерлежистиҥ амадузы соҥында бисте автономия, оноҥ республика тӧзӧлгӧни ажыра јӱрӱмде бӱткен. Тургуза ӧйдӧ бистиҥ тергее Россия Федерацияныҥ теҥ-тай тап-эриктерлӱ субъеги болуп јат. Мында јаткан албатылар озо ло баштап амыр-энчӱни, бирликти бийик баалайт» — деп, ол темдектеген.

Улу јурукчыныҥ ады-јолыла калада сквер ле ором, Оностогы орто ӱредӱлӱ школ, культураныҥ ла искусствоныҥ республикан колледжи адалган. Анайда ок оныҥ адыла адалган государственный ла јондык сыйлар табыштырылат, Оносто музей-тура орныктырылат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина