«Торко јол» ралли республиканыҥ јериле ӧдӧр

01.02.2021

АР-дыҥ башчызы Олег Хорохордин албатылар ортодо «Торко јол» деген раллиниҥ бӧлӱги 2021 јылда Алтай Республиканыҥ јериле ӧдӧрине белетениш ле оны ӧткӱрери јанынаҥ сурактарга учурлай тӧзӧмӧл комитеттиҥ јуунын чаган айдыҥ 29-чы кӱнинде ӧткӱрген.

Бу јарыш-ралли 2009 јылдаҥ ала ӧткӱрилет. Былтыр пандемиядаҥ улам ол ӧткӱрилбеген, быјыл оны санитарно-эпидемиялык бастыра некелтелерди бӱдӱрип ӧткӱрери орныктырылат. Оныҥ туружаачылары коронавирусный инфекцияга шиҥжӱни кыйалта јогынаҥ ӧдӧр.

«Раллиниҥ бӧлӱктериниҥ бирӱзи Алтай Республиканыҥ јериле баштапкы катап ӧдӧр. Бистиҥ Чуйдыҥ јолы Улу торко јолдыҥ тӱндӱк бӧлӱги болгоныла јарлу, ол садуныҥ јолы болуп тура, Россияныҥ јерин Монголияла, Китайла колбогон» — деп, Олег Хорохордин куучындаган. Оныҥ айтканыла, раллиниҥ бӧлӱги бистиҥ јерле ӧдӧри јарамыкту айалгада болорын јеткилдеери, оныҥ туружаачыларына јакшынак айалгалар тӧзӧӧри бистиҥ тергеениҥ алдында турган каруулу иш-сурак болуп јат.

Албатылар ортодо «Торко јол» раллиниҥ бӱдӱреечи директоры Сергей Тукмановтыҥ айтканыла, быјыл ралли ӱч ороонныҥ — Россияныҥ, Монголияныҥ ла Китайдыҥ јерлериле ӧдӧр. Јарыш јаан изӱ айдыҥ 1-кы кӱнинде Омск калада башталып, јаан изӱ айдыҥ 11-чи кӱнинде кыдат Урумчиде тӱгенер. Јарыштыҥ туружаачыларына текши узуны 5 муҥ километр кире јолды он бӧлӱкле ӧдӧр керек, бу јолдыҥ јарымы кирези тӱрген маҥтадар аргалар берип турган јолдорго келижер.

Јарышла колбулу керек-јарактарда муҥнаҥ кӧп улус туружар, олордоҥ 300 кижи — пилоттор ло спортсмендер, олор 40-нӧҥ кӧп ороондордыҥ адынаҥ туружар.

«Алтай Республика — биске јаҥы тергее, је бистиҥ пилоттордыҥ тоозынаҥ кӧп тоолу улус мынаҥ озо јылдарда Туулу Алтайга амыраарга келип јӱрген, олорго мындагы јараш ар-бӱткен сӱрекей јараган. Маргаандардыҥ бир бӧлӱги тергеениҥ јериле ӧдӧрине олор сӱӱнет. Слердиҥ тергееде болбогон улус оны кӧрӧргӧ энчикпейт» — деп, Сергей Тукманов айткан.

Озолондыра јетирӱлерле, экипажтар, јарыштыҥ туружаачылары, ол тоодо техниктер ле журналисттер тергееге јаан изӱ айдыҥ 3-чи кӱнинде једип келер. Оныҥ эртезинде кӱнде јарыштыҥ туружаачылары маргаандардыҥ ээчиде бӧлӱгин ӧдӧр. Је ол бӧлӱк кажы тушла ӧдӧри тургуза ӧйдӧ јарлалбайт.

Бу јарыш-гонка албатылар ортодо мотоциклетный федерацияныҥ (FIM) раллизиниҥ кросс-кантри аайынча телекейлик чемпионадыныҥ бӧлӱги, анайда ок албатылар ортодо автомобильный федерацияныҥ (FIA) ралли-рейдтери аайынча телекейлик кубоктыҥ бӧлӱги болуп јат. Ол Россия Федерацияныҥ президентиниҥ, башкарузыныҥ ла спорт аайынча министерствозыныҥ јӧмӧлтӧзиле ӧткӱрилет.

АР-дыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым