«Светлячоктыҥ» ачылтазы болгон

15.04.2021

Майма јуртта Алгаир-2 микрорайондо балдардыҥ «Светлячок» деген садыныҥ ачылтазы кандык айдыҥ 14-чи кӱнинде ӧткӧн.

«Бу объект Алгаирдиҥ эл-јонына јаан сакылталу объект болуп јат. Ол тӱрген ӧзӱм алынып турган микрорайонды керектӱ јонјӱрӱмдик инфраструктурала јеткилдееринде ээчиде алтам болуп јат. Детсадты тудары бӱдӱн-јарым јыл ӧткӧн. Бери 125 бала јӱрер аргалу, ол тоодо ясельный бӧлӱкке 60 бала» — деп, Алтай Республиканыҥ башчызы Олег Хорохордин детсадтыҥ ачылтазы тушта айткан уткуулду сӧзинде темдектеген.

Детсадта балдарды бастырајандай ӧскӱрерине керектӱ бастыра айалгалар тӧзӧлгӧн. Мында медицинаныҥ блогы, балдар ойноор ло уйуктаар телкем кыптар, спортивный ла кӱӱлик зал, психологтыҥ кабинеди, логопедический ле методический кабинеттер бар. Детсадтыҥ јарандырылган јеринде балдар ойноор комплекстерлӱ, ӧскӧ дӧ не-немелерлӱ площадка тӧзӧлгӧн. Детсадта балдар јети группага јӱрер, ол тоодо ӱч ясельный группага.

Олег Хорохординниҥ темдектегениле, бу объект нацӱлекер аайынча Алтай Республикада тудулган тогузынчы детсад болуп јат.

«Федерал Јуунга баштанузында Россияныҥ президенти Владимир Путин јиит билелерге балдарын ясляга кийдирери јаан учурлу сурак болуп јат деген, оныҥ да учун бу суракты 2021 јылдыҥ учына јетире аайлаштырып салзын деп јакару берген — школдоҥ озо учреждениелерле јеткилдеш 100 процентке болзын, ол тоодо ясельный группаларла» — деп, тергеениҥ башкараачызы аҥылаган.

Башчы коронавирустаҥ улам бир канча объекттерди тудала тузаланарына табыштырары соҥында ӧйгӧ јылдырылган, тургуза ӧйдӧ тудум иштер тӱгенип јаткан деген. Ол анайда ок таскадаачыларга, педагогторго, ада-энелерге бек су-кадык, јакшы кӱӱн-санаа, једимдер кӱӱнзеген.

Кӧдӱриҥиде уткуулду сӧстӧрин Эл Курултайдыҥ председатели Артур Кохоев айткан: «Бу јаҥы детсад бистиҥ јаш балдарыска экинчи туразы болзын, олорды мында таскадаачылардыҥ ла педагогтордыҥ јанынаҥ ајару, кичеемел, сӱӱнчи, ырыс курчазын». Майма аймактыҥ јааны Роман Птицын уткуулду сӧзинде темдектегениле, бу детсадты тузаланарына табыштырганы Алгаир-2 микрорайондо балдардыҥ садына очередьти јоголтор арга берген.

Кӧдӱриҥи ӧйинде кайралдаш болгон: АР-дыҥ башчызыныҥ, башкарузыныҥ председателиниҥ Быйанду самараларын «Светлячок» детсадтыҥ кӱӱлик башкараачызы Ольга Корчуганова, кичӱ таскадаачы Ирина Янова, «Жемчужины Алтая» СЗ ООО-ныҥ баш инженери Сергей Шилин алган.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде