Алып-баатырлардыҥ эземине — маргаан

19.04.2021

Кандык айдыҥ 17-чи кӱнинде Майма јурттагы «Атлант» деп адалган спорткомплексте самбо кӱрешле акалу-карындашту Сергей ле Семен Аткуновтордыҥ эземине учурлалган тереелик маргаандар ӧткӱрилген.

Маргаандарда бастыра республикадаҥ ла Алтайский крайдаҥ 12-15 јашту 200-теҥ ажыра јиит кӱрешчилер турушкан. Бу кӱн кӱрештиҥ кебизинде баштапкы ла алтамдар эдип турган спортчылар бойыныҥ јеҥӱлерин самбо кӱрештиҥ ӧзӱминиҥ баштамы јолында турган ла бастыра јӱрӱмин сӱӱген ижине берген јайалталу спортчылар, тазыктыраачылар, ӱредӱчилер болгон Сергей ле Семен Аткуновторго учурладылар. Јаан Јаламанда чыккан-ӧскӧн, Оҥдой аймакта, республикада самбо кӱрешти тӧзӧгӧн лӧ бастыра кӱӱнин ле кӱчин учына јетире бойыныҥ ижине берген Сергей ле Семен Аткуновтордыҥ ады-чуузы, чындап та, тергеениҥ тӱӱкизинде качан да ундылбас.

Сергей Юракаевич Аткунов СССР-дыҥ спортыныҥ 40-нӧҥ ажыра узын, Россияныҥ спортыныҥ телекейлик классту тӧрт узын таскаткан. Олордыҥ ортозында — Виталий Уин (спорттыҥ телекейлик классту узы, Россияныҥ эки катап чемпионы, телекейдиҥ чемпионы), Аймерген Аткунов (спорттыҥ телекейлик классту узы, Россияныҥ тӧрт катап чемпионы, телекейдиҥ канча катап призёры, телекейлик Универсиаданыҥ чемпионы, Бакудагы ӧткӧн баштапкы Европей Ойындардыҥ чемпионы), Эмиль Константинов (Россияныҥ спортыныҥ узы, Россияныҥ чемпионадыныҥ кӱлер јеҥӱчили), Берден Еликов (Россияныҥ спортыныҥ узы, Европаныҥ первенствозыныҥ мӧҥӱн јеҥӱчили), Нурсултан Садуакасов (Россияныҥ спортыныҥ узы, Россияныҥ ла телекейдиҥ первенстволорыныҥ мӧҥӱн јеҥӱчили).

Маргаандардыҥ кӧдӱриҥилӱ ачылтазына сӱреен кӧп улус јуулды. Окылу сӧзин спорт ло физический культура аайынча республикан комитеттиҥ башкараачызы Олег Гурин, Оҥдой аймактыҥ јааныныҥ ижин удурумга бӱдӱреечи Михаил Тебеков, самбо кӱрешле телекейдиҥ јеҥӱчили Виталий Уин айдып, кӱрешчилерге јеҥӱлер кӱӱнзедилер. Алтай Республиканыҥ спортыныҥ ӧзӱмине јаан камаанын јетирген акалу-ийиндӱ Сергей ле Семен Аткуновтордыҥ эземине учурлай кӧп јылу сӧстӧрин кожо иштеген нӧкӧрлӧри, спортчылар, ӱренчиктери, тӧрӧӧн-туугандары айттылар. Бу ла кӱн Сергей Юракаевич тӧзӧгӧн лӧ иштеген «Алып» спортзал оныҥ ады-јолыла окылу адалды.

(Маргаандар керегинде элбеде бичимелди газеттиҥ келер номерлеринеҥ кычырыгар)

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина