Иштиҥ кижизине мак ла тоомјы!

13.05.2021

АР-дыҥ јаҥыртылган Кӱндӱниҥ Доскозыныҥ кӧдӱриҥилӱ ачылтазы кӱӱк айдыҥ 10-чы кӱнинде Горно-Алтайскта тӧс тепсеҥде ӧтти.

Кӧдӱриҥиде АР-дыҥ башкарузыныҥ председателиниҥ ордынчызыныҥ молјуларын бӱдӱреечи Динара Култуева туружып, јуулган улусты бу учурлу керекле тергеениҥ башчызыныҥ ла башкарузыныҥ адынаҥ уткыган.

Кӱндӱниҥ Доскозын јылдыҥ сайын јаҥыртары 19 јыл улалып келген, иштиҥ магыныҥ улузыныҥ тоозы бӱгӱн 402-ге јеткен.

«Быјыл АР-дыҥ башчызыныҥ јӧбиле лауреаттардыҥ тоозы јирменеҥ 22-ге јетире кӧптӧдилген. Онызы бӱгӱн Кӱндӱниҥ Доскозында 6 медишчиниҥ ады-јолы бичилгениле, фотојуруктары тургузылганыла колбулу. Ӧткӧн јыл бистиҥ ороонго пандемияла тартыжарыныҥ јылы болгон, медишчилердиҥ эл-јон ортодо тоомјылу ижиниҥ учуры бу уур-кӱч ӧйдӧ там тыҥыган. Бӱгӱн мында турган медишчилерге баштанып, бастыра профессионал биригӱге коронавирусный инфекцияны јеҥерине камаанын јетиргени учун јаан быйанысты айдадыс» – деп, Динара Култуева уткуулду сӧзинде аҥылаган.

Кӧдӱриҥиде анайда ок Эл Курултайдыҥ председателиниҥ ордынчызы Герман Чепкин, АР-дыҥ профсоюзтарыныҥ организацияларыныҥ биригӱзиниҥ председатели Андрей Ищенко, Госдуманыҥ депутады Иван Белеков туружып, уткуулду сӧстӧрин айткан.

АР-дыҥ башчызыныҥ, башкарузыныҥ председателиниҥ Јарлыгыла 2021 јылда Кӱндӱниҥ Доскозына кийдирилген: Анюта Баграшева — Улаган аймактыҥ акушерказы, пандемияныҥ ӧйинде Акташтагы эмчиликтиҥ ковидный бӧлӱгинде иштеген; Василий Баулин – Россияныҥ МЧС-ыныҥ Алтай Республика аайынча ГУ-зыныҥ государственный ӧрт ӧчӱреечи службазыныҥ федерал ӧрт ӧчӱреечи службазыныҥ баштапкы ӧрт-аргадаачы отрядыныҥ ӱчинчи ӧрт-аргадаачы бӧлӱгиниҥ ӧрт ӧчӱреечизи (Майма аймак); Александра Вакула – Майма јурттыҥ «Ягодка» детсадыныҥ таскадаачызы; Елена Григоренко – РФ-тыҥ су-кадыкты корыыры аайынча бӧлӱгиниҥ ишчилериниҥ Алтай республикан организациязыныҥ председатели; Берлик Джуманов – Кош-Агаш аймактыҥ «Јол тузаланаачы 221-чи таҥмалу предприятие» АО-зыныҥ јолдыҥ комбинированный кӧлӱгиниҥ тискинчизи; Алена Ечешева – гигиенаныҥ ла эпидемиологияныҥ Алтай Республикада Тӧс јериниҥ серологический ле ПЦР шиҥжӱлер јанынаҥ бӧлӱгиниҥ јааны, врач-бактериолог, Пироговтыҥ ордениле кайралдаткан; Ольга Жилина – Чой аймакта «Рудник «Веселый» ООО-ныҥ обогатительный алтын табаачы фабриказыныҥ доводчиги; Лариса Иртакова – Кан-Оозы аймактыҥ јаан јашту ла кенек улустыҥ 2-чи таҥмалу республикан Тура-интернадыныҥ медицинский дезинфекторы; Николай Козлов – балдардыҥ туризминиҥ ле экскурсияларыныҥ Горно-Алтайсктагы муниципал станциязыныҥ ӱзеери ӱредӱ аайынча педагогы, Россияныҥ нерелӱ тазыктыраачызы, АР-дыҥ нерелӱ тазыктыраачызы; Тамара Кореневская – ФАП-тыҥ јааны, Турачак аймактыҥ эмчилигиниҥ фельдшери; Роберт Кыпчаков – АР-дыҥ эл-јонды ишле јеткилдеери аайынча Тӧс јериниҥ Кӧксуу-Оозы аймак аайынча филиалыныҥ директоры; Светлана Кыпчакова – Оҥдой аймактыҥ «Шагым» ООО-зыныҥ директоры; Александр Лобода – Турачак аймактыҥ јайаандыктыҥ ла амыраштыҥ «ЛиК» вокально-инструментальный ансамблиниҥ художественный башкараачызы, АР-дыҥ нерелӱ артисти; Александр Малчиев – Оҥдой аймактыҥ врач-анестезиолог-реаниматологы, АР-дыҥ нерелӱ врачы; Светлана Маркелова – Горно-Алтайск каланыҥ «Дорожник» АО-зыныҥ ишти корыыры аайынча специалисти; Альберт Мундусов – Шабалин аймактыҥ «Барагаш» деп производственный јуртээлемдик кооперативиниҥ председатели, АР-дыҥ јурт ээлеминиҥ нерелӱ ишчизи; Ирина Муравлева – «Ростелеком» ПАО-ныҥ «Алтай» филиалыныҥ телекоммуникациялардыҥ технический эксплуатациязыныҥ аймактар ортодогы тӧс јериниҥ Майма аймакта линейно-технический цегиниҥ Майма јурттагы универсальный технический участогыныҥ абоненттерди јеткилдеери аайынча мастери; Наталья Паутова – Кӧксуу-Оозы аймактыҥ эмчилигиниҥ врачы, Майма аймактыҥ эмчилигинде коронавирусту оору улуска тӧзӧлгӧн инфекционный госпитальда ӱч ай иштеген; Галина Садучина – Кан-Оозы аймакта Јодролудагы орто ӱредӱлӱ школдыҥ директоры; Валерий Тебеков – П. В. Кучияктыҥ адыла адалган эл театрдыҥ баш јурукчызы, РФ-тыҥ нерелӱ јурукчызы, АР-дыҥ культуразыныҥ нерелӱ ишчизи; Александр Тепуков – «Алтын-Туу» литературно-издательского Тураныҥ «Солоҥы» журналды кепке базары аайынча бӧлӱгиниҥ редакторы, АР-дыҥ культуразыныҥ нерелӱ ишчизи; Эмилия Феоктистова – Чамал аймакта Ӱзнезиниҥ Тозыяковтордыҥ биле-династиязыныҥ адыла адалган орто ӱредӱлӱ школыныҥ алтай тилдиҥ ле литератураныҥ ӱредӱчизи.

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина