«Тӧштӧрине» медальдар тагылган

25.06.2021

Алтай Республиканыҥ јурт ээлеминиҥ кооперативтери кичӱ изӱ айдыҥ 15-17 кӱндеринде Бурят Республиканыҥ тӧс калазы Улан-Удэде Сибирьде ле Ыраак Кӱнчыгышта укту койлор ло эчкилер ӧскӱрип турган фермерлер ортодо 17-чи катап ӧткӧн кӧрӱ-выставкада туружып, јеҥӱчил јерлер алган.

Кӧрӱниҥ туружаачылары баштапкы кӱнде кой ӧскӱрериниҥ ле олорды экспортко аткарарыныҥ сурактарына учурлалган билим-практикалык конференцияда турушкандар. Конференцияны Россия Федерацияныҥ јурт ээлем аайынча министерствозында мал ӧскӱрер департаменттиҥ директоры Дмитрий Бутусов башкарып ӧткӱрген. Бу јуунда Алтай Республиканыҥ јурт ээлем аайынча министри Андрей Цыгулев доклад эткен.

Быјыл бистиҥ тергеедеҥ кӧрӱ-выставкада Амурдагы, Кеҥидеги, Ортолыктагы јурт кооперативтер ле «Михаил» ООО турушкандар. Кӧрӱде иштеген эксперт-камыс јурт јердиҥ ээлемдери укту кандый мал экелгенин кӧргӧниниҥ ӱстине койлордоҥ канча кире тӱк кайчылалганына, эчкилердеҥ канча кире ноокы таралганына, олордоҥ канча кураан ла уулак алынганына, ээлем укту канча мал садып турганына јаан ајару эткен.

Анайып, Сибирьдиҥ ле Ыраак Кӱнчыгыштыҥ эчки ӧскӱреечилери ортодо кӱндӱлӱ баштапкы јерди Оҥдой аймакта алтайский укту ак эчкилер ӧскӱрип турган «Михаил» ООО алган. Экинчи јерге Кош-Агаш аймакта Ортолыктагы СПК чыккан. Бу ээлем горно-алтайский укту кӱреҥ эчкилер ӧскӱрет. Койчылар ортодо ӱчинчи јерди Кӧксуу-Оозы аймакта горно- алтайский укту койлор ӧскӱрип турган Амурдагы СПК алган. Јеҥӱчил кооперативтерге кайралга тӧртӧн, одус ла јирме беш муҥ салковойдыҥ сертификаттары табыштырылган.

Јурт ээлемниҥ кооперативтериниҥ чыгартулу улузына акчаныҥ сертификаттары берилген. Укту-тӧстӱ эчкилердиҥ ле койлордыҥ «тӧштӧрине» дезе, маргаандарда ла чылап ок, медальдар тагылган. Кеҥидеги СПК-ныҥ койлоры ӱч алтын, бир кӱлер медальдарды аларда, Амурдагы СПК-ныҥ койлорына эки алтын медальдаҥ келишкен. Ортолыктагы СПК-ныҥ эчкилериниҥ «тӧштӧрине» эки алтын, бир мӧҥӱн ле бир кӱлер медальдар тагылган. Оҥдой аймакта «Михаил» ООО-ныҥ укту эчкилери кӧрӱдеҥ эки алтын, бир мӧҥӱн ле бир кӱлер медальдарлу јангандар.

Кош-Агаш аймакта Ортолыктагы СПК-ныҥ малчызы Байрам Саламхановко тергеелик кӧрӱде «Эҥ артык эчкичи» деп бийик ат адалган. Ого сыйга он муҥ салковой акчаныҥ сертификады табыштырылган. Кӧксуу-Оозы аймакта Амурдагы СПК-ныҥ зоотехниги Татьяна Килина ла Оҥдой аймакта Кеҥидеги СПК-ныҥ койчызы Павел Тайтаков Россия Федерацияныҥ јурт ээлем аайынча министерствозыныҥ Быйанду самараларыла кайралдаткандар.

Алтай Республиканыҥ јурт ээлем аайынча министерствозы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина