«Амза» ачылды

07.09.2021

Сыгын айдыҥ 6-10 кӱндеринде Алтай Республикада «Неделя бизнеса — 2021» деп адалган форум ӧдӧр. Алтай Республиканыҥ башчызы, башкаруныҥ председатели Олег Хорохордин, Эл Курултайдыҥ председатели Артур Кохоев ле Россия Федерациязыныҥ башкарузыныҥ экономикалык ӧзӱм ле јурт ээлем аайынча министрлериниҥ ордынчылары турушкан јаан форум Майма јурттыҥ јанында «Амза» агропарктыҥ ачылтазынаҥ башталган.

Албаты-јоныныҥ 70 проценттеҥ кӧби јурт јерлерде јаткан республикада эттеҥ, сӱттеҥ, маала ажынаҥ, кат-јиилектердеҥ курсак белетеер агропарк ачылганы тӱӱкилик учурлу керек деп уткуулду сӧстӧрин айткан кӧп улус темдектедилер. «Амза» агропарктыҥ тӧс ууламјызы Алтай Республиканыҥ таҥынаҥ улузыныҥ, кичӱ бизнеске кирип турган крестьян-фермелериниҥ ле ӧскӧ дӧ аргачыларыныҥ јыл туркунына ӧскӱрип алган мал-ажыныҥ эдин, сӱдинеҥ белетеген аш-курсагын, јай туркунына отургызып, ӧскӱрип ле јууп алган маала ажын, кат-јиилекти ле кузукты перерабатывать эдери болуп јат. Амтамду, тамзыкту, ток аш-курсак јазалып, јӱк ле Алтай Республикада белетелип турган бренд боло берзе, олордыҥ баалары бийиктеери јарт. Айдарда, јуртээлемдик продукцияныҥ табыштырар баазы баалу болор.
Экономикалык ӧзӱмниҥ федерал министриниҥ ордынчызы Т. А. Ильюшкинова уткуулду куучынында «Амза» Россия Федерациязында ачылган агропарктардыҥ ӱчинчизи болгонын темдектеп, федерал башкару Алтайдагы паркты иштедерге, 500 миллион салковойдоҥ кӧп акча чыгарганын айтты. Јурт ээлемниҥ федерал министриниҥ ордынчызы Е.В. Фастова Алтай Республикада јуртээлемдик продукциядаҥ белетелип турган аш-курсактыҥ бастыразын, 100 процентин кичӱ бизнес јазайт. Айдарда, «Амзаны» ачканы республикада кичӱ бизнести ӧскӱрерине јаан камаанын јетирер деп угусты.

Т. Семенов

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина