«Алтайдыҥ Чолмоны» мениҥ салымымда»

18.01.2022

Быјыл кӱчӱрген айдыҥ 15-чи кӱнинде бистиҥ газет тӧзӧлгӧнинеҥ ала 100 јылдыгын темдектеер. Оныла колбой, редколлегия 2022 јылдыҥ чаган айыныҥ 11-чи кӱнинеҥ ала кӱчӱрген айдыҥ 7-чи кӱнине јетире журналисттер ле кычыраачылар ортодо «Алтайдыҥ Чолмоны» мениҥ салымымда» деген литературалык конкурс јарлап јат.
Биске тӧрӧл газетле колбулу болгон солун учуралдар, туштажулар ла јол-јорыктар керегинде бичигер! Слердиҥ јӱрӱмигерге ле салымыгарга газетте чыккан бичимелдер, айса болзо, кандый бир камаанын јетирген јилбилӱ учурал болгон?
Бичимелдердиҥ кеми алты страницадаҥ (бӱдӱми А4) ашпас учурлу. Конкурска бир кижинеҥ бир ле иш алылып јат. Бичимел фотојуруктарлу болзо, оноҥ артык болор. Олорды мындый сурула ийер керек: 649000, Алтай Республика, Горно-Алтайск кала, Чорос-Гуркинниҥ оромы, 38-чи тура, 3-чи кат, ол эмезе газеттиҥ cholmon@inbox.ru деген электрон почтазына аткарарга јараар.
Туружарга кӱӱнзегендер газеттиҥ редакциязына бӱдӱми бир тӱҥей угузу-заявка бичиир, редакцияга анайда ок «Алтайдыҥ Чолмонына» почта ажыра, эмезе оны газеттиҥ редакциязынаҥ келип алатан эп-аргала бичиткен купонды, ол эмезе электрон эпле кычырарга бичиткенин керелеген документти табыштырар учурлу. Јарт эмес сурактар болзо,
8 913 690-45-98, 8 983 583-62-44, 8 983 582-24-45 номерлӱ телефондорго согуп, аайына чыгар арга бар.
Конкурска келген бичимелдер јыл туркунына «Алтайдыҥ Чолмонында» ла оныҥ сайтында јарлалар. Кӱчӱрген айдыҥ 7-чи кӱниниҥ кийнинде келген бичимелдер кӧрӱлбес. Јеҥӱчилдер журналисттер ле кычыраачылар ортодо башка талдалар. Бастыра туружаачыларга Быйанду самаралар табыштырылар. 1-3 јерлер алган јеҥӱчилдер дезе дипломло, сый-акчала кайралдадар. Жюри анайда ок солун деген јети ишти талдап, олорго база јилбиркедиштер јарадар аргалу. Сыйларга текши кемиле 45 муҥ салковой акча чыгарылат.
Конкурста јеҥӱ алган улустыҥ ады-јолдоры газеттиҥ 2022 јылдыҥ кӱчӱрген айыныҥ 15-чи кӱнинде кепке базылып чыгатан байрамдык номеринде јарлалар. Сыйларды ла кайралдарды табыштыратан чокум кӱнди ле ӧйди жюри кийнинде ӱзеери јарлаар. Колбуларыс ӱзӱлбес, газеттиҥ 100 јылдыгына учурлай јарлалган конкурста эрчимдӱ туружарыгар деп иженедис.

Редколлегия

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина