Качан да карыкпа, Камила!

18.02.2022

Пекинде Олимпиада тӱгенип јат. Россияныҥ јуунты командазы анда ойто ло бойыныҥ маанызы ла гимни јок турушты. Айдарда, спортто кирлӱ «ойындар» — кӱнӱркеш, адааркаш, кысташ ла истеш улалганча. Ӱстине Камила Валиеваны айландыра саҥ башка айалгалар тӧзӧлди. Ӧскӧ ороончылар он беш јашту фигуристти болбогон допинг керектерле колбойт. Је бу оогош кызычак Олимпиадада ат-нерезин ле чыдамкайын кӧргӱзип, бойыныҥ ла тӧрӧл орооныныҥ ак-чек ады учун јана баспай тартыжат. Бис бу уур-кӱч ӧйдӧ «Камила, Алтай качан да болзо, сениле кожо!» деп айдадыс.
Телекейдиҥ чемпионы, Россияныҥ нерелӱ тазыктыраачызы Александр Жулин Камила Валиеваны корулап, бойыныҥ инстаграмында мынайда бичиген: «Фигурный јыҥылаштыҥ тӱӱкизинде телекей мындый јайалтаны, генийди деп айтсабыс, байла, јастыра болбос, бир де катап кӧрбӧгӧн!!! Мындый јыҥылашла оморкоордыҥ ордына бис оны јылыйтарга јадырыс!!! Онызы куйка башты јымырадар јастыра.
Оныҥ Майа Плисецкаяныҥ куулгазынду кыймыгузына тӱҥей кейде тӧрт катап айланып турган тегелигин база кем бӱдӱрип болор? Слер мындый эп-арганы кандый бир препарат-јазалдыҥ микро-изинеҥ де таппазыгар! Ого удурлашкан спортчыларды эдим-јазалдыҥ болужыла тонналап та азыразагар, олор тӧрт ӧлӱ бу айланыштарды јастырбазынаҥ бӱдӱрип болбос. Меге бу Олимпиадада WADA-ныҥ эксперттери учун уйатту. Келер тӧрт јылдыкта олор учун оноҥ до ачу болор болбой. Кудайдаҥ курчулу бу кысты олор кӧндӱре ле истегилеп јат.
WADA-ныҥ «ойгор» агентствозы ээчиде алтамдарында јарабастарды аспириннеҥ де табарга ченежер болбой, оноҥ Coca-Cola-даҥ, учында барып кофедеҥ, једимдерге камаанын јетирип турган ару кейдеҥ де, байла, бедирегилеер. Эмди јаҥыс «тенектердиҥ театрына кӱӱнзеп келигер!» деп айдарыстаҥ башка. Ачу, база катап ачу. Уйатту!!! Камила, ар-бӱткен сени јараш кыс ла јайалталу спортчы эдип јайаган. Ол учун ада-энеҥе тарынба. Олор сени бу Олимпиадада уйалбастардыҥ тенексӱ «ойын-кӧргӱзӱзинде» туружар деп, кайдаҥ билзин эди».
Јайалталу спортчыныҥ чыккан-ӧскӧн кичӱ тӧрӧлиниҥ, Татарстанныҥ башчызы Рустам Минниханов: «Камила, бис сени чемпион деп туку качан адап койгоныс, бӱдедис ле иженедис!» деп тегиндӱ айтпаган эмей. Сени Камила, Алтай база јӧмӧп јат. Сен чындап та, Кудайдаҥ курчулу кыс. Качан да, кайда да карыкпа. Ичкери јӱтки, тартыш, јеҥ!

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина