Сакылталу јетинчи школыс

13.04.2022

Татьяна Кончева, ВГТРК ГТРК «Эл Алтай», РФ-тыҥ Јондык палатазыныҥ турчызы:

– 7-чи таҥмалу школды тудуп јатканы – биске јаан сӱӱнчи. Кажы ла катап оныҥ јанынаҥ ӧдӱп, кажы ла јаҥы плитага, јаҥы сваяга сӱӱнедис. Школды тударыныҥ сурагы ӱч онјылдыктыҥ туркунына «ахиллестиҥ таманы» болгон деп айдарга јараар.

Бу школдыҥ учуры сӱрекей јаан. Бу балдарды алтай тилге ле литературага толо ӱредип турган сок јаҥыс школ ине. Каланыҥ су-алтай балдары мында баштапкы класстаҥ ала 11-чи класска јетире тӧрӧл тилин чыҥдый ӱренет.

Школ 1991 јылда ачылган. Оноҥ бери ондо бойыныҥ туразы јок. Кажы ла јыл келиштире јазалган тураларда иштеп, аренда учун ал-камык акча тӧлӧйдилер. Бу сурак јаҥы тура тудулза ла чечилер.

Республиканыҥ эл-јоны президентке мындый јӧмӧлтӧ учун јаан быйанду. Бу јаан керек бӱгӱн бастыра албатыны бириктирген!

Андрей Ищенко, Алтай Республикада Россияныҥ профсоюзтарыныҥ Федерациязыныҥ председатели:

– Мениҥ сананганымла, бу школды тудуп јатканы – јаҥыс ла Горно-Алтайск калага эмес, бастыра республикага јаан учурлу керек. 7-чи таҥмалу школ калада национальный программала иштеп турган сок јаҥыс школ. Мында 800 кире бала бӱгӱнги кӱнде келиштирген тураларда ӱренет.

Тӧрӧл тилин чеберлеери, ӧскӱрери – кажы ла калыкка јаан учурлу керек, анчада ла алтай албатыга. Оныҥ учун бу тудулып јаткан объектке јаан ајару болор керек. Баштапкызында, тудум иштердиҥ ӧйи бузулбазын. Экинчизинде, иштердиҥ кеми чыҥдый болзын.

Ӱренчиктер ле ада-энелер јаҥы школдыҥ ачылтазын энчикпей сакыйдылар. Балдар эмдиги ӧйдиҥ некелтелерине келижер айалгада ӱренер, бийик ле тереҥ билгирлер алар учурлу. Бистиҥ президент бу суракка ајару эткени оморкодулу.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина