Республиканыҥ Тӧс јасагына

Республиканыҥ Тӧс јасагына – 25 јыл

10.06.2022

Алтай Республиканыҥ Конституциязы јӧптӧлгӧниниҥ 25 јылдыгына ла јарлу политикалык ла государстволык ишчи Д. И. Табаевтиҥ чыкканынаҥ ала 85 јылдыгына учурлалган кӧдӱриҥилӱ јуун кичӱ изӱ айдыҥ 7-чи кӱнинде республиканыҥ парламентинде ӧткӧн.

Кӧдӱриҥилер эртен тура Д. И. Табаевтиҥ јаткан туразына кереес доско кондырганыла, оноҥ Эл Курултайда оныҥ јӱрӱмине ле ижине учурлалган кӧрӱ ачылганыла башталган. Олордо, оныҥ кийнинде ӧткӧн кӧдӱриҥилӱ јуунда республиканыҥ јасакчы ла бӱдӱреечи јаҥдарыныҥ чыгартулу улузы, республикан парламенттиҥ башка-башка тудууларыныҥ депутаттары, муниципал јаҥдардыҥ башкараачы ишчилери, јондык ишчилер ле студенттер турушкан.
Алтай Республиканыҥ Тӧс јасагы туй ла 25 јыл мынаҥ кайра, 1997 јылдыҥ кичӱ изӱ айыныҥ 7-чи кӱнинде, АР-дыҥ парламентиниҥ баштапкы тудуузыныҥ 21-чи сессиязында јӧптӧлгӧн. «Конституция бистиҥ јиит республикабыстыҥ бийик государстволык статузын быжулап, ичкери ӧзӱп барарга тӧзӧлгӧ болгон» – деп, Эл Курултайдыҥ председатели Артур Кохоев кӧдӱриҥилӱ јуунда темдектеген. Алтай Республиканыҥ Конституциязыныҥ ӱлекерин белетееринде сӱрекей јаан ишти Даниил Табаев бӱдӱргенин, парламенттиҥ мынаҥ озо иштеген депутаттарыныҥ баштаган ла бӱдӱрген ижин эмдиги депутаттар улалтып апарганын ол айткан.
Республиканыҥ Тӧс јасагы бӱгӱн тергееде јасакберим ончо иштиҥ тӧзӧлгӧзи болуп, демократиялык ла граждан обществоны тӧзӧӧрин, эл-јон амыр-энчӱ ле јӧптӱ јадарын, тергеениҥ экономикалык ла јонјӱрӱмдик ӧзӱмин јеткилдегенин АР-дыҥ башкарузыныҥ председателиниҥ баштапкы ордынчызы Эжер Ялбаков айткан.
Јуунда республиканыҥ Конституциязын белетеер иш канайда ӧткӧни, оныҥ учуры, бу ишти бӱдӱреринде Даниил Табаевтиҥ сӱрекей јаан ӱлӱзи керегинде Эл Курултайдыҥ комитединиҥ председатели Виктор Ромашкин, юридический билимдердиҥ кандидады Степан Тюхтенев, АР-дыҥ баштапкы башкарузыныҥ председатели Владимир Петров, Оҥдой аймактыҥ депутаттар Совединиҥ председатели Адучы Тысов, јашӧскӱримниҥ парламентиниҥ јааны Алена Кудачинова ла о.ӧ. куучындаган.
АР-дыҥ Конституциязыныҥ ӱлекерин белетеер ишке јетирген јаан јӧмӧлтӧзи учун АР-дыҥ башчызыныҥ Быйанду самаразыла государстволык иштиҥ ветераны Василий Максимов ло «Алтайдыҥ Чолмоны» газеттиҥ корреспонденти Тениш Тохнин, АР-да парламентаризмниҥ ӧзӱмине јетирген јӧмӧлтӧзи ле кӧп јылдарга ак-чек ижи учун Эл Курултайдыҥ Кӱндӱлӱ грамотазыла Владимир Амургушев ле Быйанду самаразыла «Алтайдыҥ Чолмоныныҥ» корреспонденти Артур Сулуков, «Алтай Республиканыҥ парламенти» деген кереес медальла Горный Алтай ССР-диҥ депутады болгон Сергей Переверзев кайралдаткан.
Быјыл тулаан айда Оҥдой аймактыҥ депутаттар Соведи Кӱпчегенниҥ орто школын государстволык ла јон-политикалык ишчи
Д. И. Табаевтиҥ адыла адаарын бирлик кӱӱнле јӧптӧгӧн. Бого учурлалган кӧдӱриҥи школдордо ӱредӱлӱ јыл башталган сыгын айдыҥ 1-кы кӱнинде Кӱпчегенде ӧдӧрин Адучы Тысов айткан.

Кӧмӱрчи Петешева

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина