Элдиҥ-јонныҥ байрамы элен-чакка улалзын!

07.07.2022

Јаан изӱ айдыҥ 8-чи кӱнинде, Кан-Оозы аймакта Ойбок ӧзӧктӧ алтай калыктыҥ тергеелер ортодогы «Эл Ойын 2022» деп XVII байрамы башталып јат.

Быјыл ол Россияныҥ албатыларыныҥ культуразыныҥ энчилигиниҥ јылына, Ойрот автоном областьтыҥ государственный статузыныҥ 100 јылдыгына учурлалат. Байрам јаан изӱ айдыҥ 10-чы кӱнине јетире ӧдӧр.
Эл Ойын — албатылардыҥ ич-кӧгӱстик бирлигиниҥ байрамы. Калганчы јылдарда ол бойыныҥ учурыла, кемиле Алтай Республиканыҥ тыштында да текшилей јарлу болуп калган. Эл Ойын албатылардыҥ национально-культурный орныктырузына, олордыҥ најылыгын ла карындаштык колбуларын тыҥыдарына учурлалган.
2018 јылда байрамыс Россияныҥ эҥ јилбилӱ ле јарлу керек-јарактарыныҥ ТОП-200 деген тооломына кийдирилген болгон ло туризмниҥ бӧлӱгинде Russian Event Awards деп Национальный сыйдыҥ «Эҥ артык этно-культурный турист керек-јарак 2018» номинациязыныҥ Гран-при сыйыла темдектелген.
Байрамныҥ программазында: театрализованный ачылта, конкурсный ла фестивальный программалар, кӧрӱ-јарымкалар, мастер-класстар, анайда ок спорттыҥ национальный бӱдӱмдери аайынча маргаандар.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым