Акташ – Улаган јол јазалат

19.08.2022

Алтай Республиканыҥ башчызы Олег Хорохордин Улаган аймакла ишмекчи јол-јорыкта болуп, Акташ – Улаган јолды јазайтан иштер канайда ӧдӱп турганын шиҥдеп кӧргӧн.

Бу јолдыҥ узуны 13 километр баштапкы бӧлӱгинде јазал иштер быјыл «Јеткер јок чыҥдый јолдор» нацӱлекер аайынча башталган.
Трасса текши тузаланарыныҥ тергеелик учурлу јолы болуп јат. Ол Улаган аймактыҥ кӧп саба јурттарын Чуйдыҥ јолыла, республиканыҥ арткан аймактарыла колбойт. Анайда ок бу јолло јарлу туристический маршруттар ӧдӧт.
Акташ – Улаган јолдыҥ јазалып јаткан бу бӧлӱги тузаланар некелтелерге келишпейт. Анда јол кезиктей келтеҥ, кӧчкӧлӧр болот, оноҥ улам кӧлӱктер ӧдӧр јол чичкерет, кош, ол тоодо одыру-сӱркӱш, мал-ашка азырал тартар кӧлӱктерге бу јерди ӧдӧргӧ кӱчке келижет.
«Эл-јоныстыҥ сураганыла бу јолды быјыл јазап баштаганыс. Оныҥ узуны 13 километр баштапкы бӧлӱгин јазайтан иштерди эки јылдыҥ туркунына ӧткӱрери темдектелген болгон. Је мен јолјазаачыларга бу ишти быјыл тӱгессин деген амаду тургускам. Јолдыҥ арткан, узуны 51 километр, бӧлӱги келер јылда эдилип калар. Баштап тарый ӱч јылдыҥ туркунына эдилер деп темдектелген эди. Тургуза ӧйдӧ јолды јазаар иштер темдектелген ӧйин озолоп барат» – деп, Олег Хорохордин темдектеген.
Јолдыҥ јазалып јаткан бӧлӱгинде тургуза ӧйдӧ јерле иштеери ӧдӧт – тӧзӧлгӧзи соок регенерация деген эп-сӱмеле белетелет, асфальтобетон кошмок салылат.
Анайда ок мында асфальтобетонный завод иштейт. Ол мынаҥ озо Кан-Оозы аймакта јол јазаар иштерде тузаланылган эди. Эмдиги ӧйдиҥ јазалдарыныҥ шылтузында чыҥдый асфальтобетонный кошмок белетелет. Ол бастыра нормативный некелтелерге келижет.
Јолдыҥ Акташ јурттыҥ ичиле ӧткӧн бӧлӱгинде текши узуны 4,3 километр тротуарлар салылар.
Анайда ок нацӱлекер аайынча Јарлу Айры, Кара-Ӧзӧк лӧ Пушкаревский кӧл деген суулар кечире ӱч кӱр јазалат. Бу объекттерди јылдыҥ учына јетире табыштырып салары темдектелет.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым